Vinthu nga ni mavidiyo, vithuzi na vinyake ivyo tikusambizgira ŵanthu Baibolo vikovwira ŵanthu kuti ŵanweke, kupulikiska, na kukumbukira ivyo ŵakusambira. Yehova uyo ni Msambizgi withu Mukuru nayo wakagwiliskiranga ntchito vinthu vyakuwoneka kuti wasambizge ŵanthu fundo yakuzirwa. (Ge 15:5; Yer 18:1-6) Yesu pakuŵa Msambizgi Mukuru ndimo nayo wakachitiranga. (Mt 18:2-6; 22:19-21) Pasono, mavidiyo ndiyo ni nthowa yimoza iyo yikovwira chomene ŵanthu pakusambizga. Kasi imwe mukugwiliskira ntchito mavidiyo para mukusambizga msambiri winu wa Baibolo?

Pali mavidiyo 10 agho ghali kunozgeka kuti ghatovwire para tikusambizga ŵanthu kabuku ka Chiuta Wakutiphalira Uthenga Uwemi! Kanandi mutu uliwose wa vidiyo ukukolerana na mafumbo ghanyake agho ghali mu malemba ghafipa mu kabuku aka. Kabuku ka Uthenga Uwemi ka pa intaneti kali na malinki agho ghakutikumbuska apo tingawoneskera vidiyo. Kweniso pali mavidiyo ghanyake agho ghangawovwira para tikusambizga ŵanthu Baibolo na mabuku ghakupambanapambana ghakusambizgira.

Kasi mukudumbiskana nkhani yinyake ya mu Baibolo iyo njakusuzga kuti msambiri winu wayipulikiske? Panji kasi msambiri winu wa Baibolo wakulimbana na chiyezgo chinyake? Penjani mavidiyo agho ghangamovwira pa jw.org® kweniso pa JW Broadcasting®. Panji mungawonelera lumoza na msambiri winu yimoza mwa ma mavidiyo agha.

Mwezi uliwose pakufuma mavidiyo ghaphya. Apo mukuwonelera, ghanaghanirani umo mungawovwilira ŵanji pakusambizga.