Chaka chilichose tikuŵikapo mtima kuchema ŵanthu kuti ŵakaŵepo pa ungano wakukumbukira nyifwa ya Yesu. Ŵanandi mwa ŵanthu aŵa ŵakuŵa ŵakuti tikuŵamanya yayi. Kweni tikweneraso kuchemerako ŵanthu awo tikuŵamanya. Ŵanandi ŵakwiza ku chikumbusko para munthu uyo waŵachema ŵakumumanya makora. (yb08-E 11 ¶3; 14 ¶1) Kasi mbanjani awo mungaŵachemerako?

• Ŵabali ŵinu

• Ŵanyinu ŵa ku ntchito kweniso ku sukulu

• Ŵazengezgani

• Maulendo ghinu ghakuwelerako, awo mukusambira nawo Baibolo sono, kweniso awo mukasambiranga nawo kale

Ŵalara ŵazamuchemerakoso ŵakulopwa. Kweni wuli usange munthu uyo mwamuchema wakukhala mu chigaŵa chinu yayi? Para mwamanya uko munthu uyo wakukhala, mungaluta pa jw.org kuti mumanye nyengo kweniso malo gha kufupi na munthu uyo uko ungano uwu wamuchitikira. Para mwajura pa jw.org, dofyani pa chigaŵa chakuti MANYANI VYA ISE, na kudofya apo palembeka kuti “Kukumbukira Nyifwa ya Yesu.” Apo mukunozgekera chikumbusko cha chaka chino, ghanaghanirani ŵanthu awo mungaŵachema ndipo ŵachemani nadi.