Yehova uyo ni “Chiuta wakukondwa,” wakukhumba kuti tiŵenge ŵakukondwa mu uteŵeti. (1Ti 1:11) Chimwemwe chithu chikurenge para tikuŵikapo mtima kusazgirako luso lwithu. Kufumba mafumbo kungawovwira kuti munthu wanweke, kweniso ni nthowa yiwemi chomene yakwambiskira chidumbirano. Mafumbo ghakovwira ŵanthu kuti ŵaghanaghanirengepo pa ivyo tikudumbiskana. (Mt 22:41-45) Para tafumba munthu fumbo na kutegherezga apo wakuzgora, vikuŵa nga tikumuphalira kuti, ‘Ndiwe munthu wakuzirwa chomene kwa ine.’ (Yak 1:19) Ivyo munthu wangazgora vingatovwira kumanya umo tingadumbiskirana nayo.

WONELERANI VIDIYO YA MUTU WAKUTI MUKONDWENGE PAKUZGORA ŴANTHU KUŴA ŴASAMBIRI—SAZGIRANIKO LUSO LWINU—KUFUMBA MAFUMBO, NDIPO PAMANYUMA ZGORANI MAFUMBO AGHA:

• Kasi Jade wakalongora mikhaliro wuli yiwemi?

• Kasi Neeta wakagwiliskira wuli ntchito mafumbo kuti walongore kuti wakumughanaghanira Jade?

• Kasi Neeta wakagwiliskira wuli ntchito mafumbo kuti Jade walutilire kunweka?

• Kasi Neeta wakagwiliskira wuli ntchito mafumbo kuti wawovwire Jade kughanaghanirapo pa ivyo ŵakudumbiskana?