Kora, Datani, na Abiramu ŵakalongora kuleka kugomezgeka kwa Yehova apo ŵakagalukira ndondomeko yake. Yehova wakaparanya ŵakugaluka aŵa pamoza na wose awo ŵakakolerana nawo. (Maŵ 16:26, 27, 31-33) Kasi ni vinthu wuli ivyo vingatiyezga kuti tileke kugomezgeka kwa Yehova? Kasi ni vyakuchitika wuli vya mu Baibolo ivyo vingatovwira kuti tileke kulondezga ŵanthu awo mbambura kugomezgeka?

WONELERANI VIDIYO YA MUTU WAKUTI LEKANI KUTOLERA NKHARO YA ŴANTHU ŴAMBURA KUGOMEZGEKA, NA KUZGORA MAFUMBO AGHA:

• Kasi Nadia wakayezgeka na vichi, ndipo ni nkhani wuli yakuchenjezga iyo yikamovwira kuti walutilire kugomezgeka?

• Kasi ntchakuchitika wuli icho chikayezga mubali uyo wakakhuŵara, ndipo ni nkhani wuli yakuchenjezga iyo yikamovwira kuti wagomezgeke?

• Kasi Terrance wakayezgeka na vichi, ndipo ni nkhani wuli yakuchenjezga iyo yikamovwira kuti wagomezgeke?

• Kasi mubali munyake wakayezgeka na vichi ku sukulu ndipo ni nkhani wuli yakuchenjezga iyo yikamovwira kuti wagomezgeke?