Ŵekha awo mbakutowa mwauzimu ndiwo ŵangaŵa paubwezi na Yehova. (1Pe 1:14-16) Para ŵasambiri ŵinu ŵangaleka vizgoŵi viheni, ŵangaŵa na mbumba zakukondwa, umoyo uwemi, na kugwiliskira ntchito makora ndalama.

Ŵalongosolerani makora fundo za Yehova, chifukwa icho tikwenera kuzilondezgera, kweniso ŵaphalirani vitumbiko ivyo tikusanga para tikulondezga fundo za Yehova. Ŵikanipo mtima kovwira ŵasambiri ŵinu kuti ŵasinthe umo ŵakughanaghanira, ndipo pamanyuma ŵalondezgenge ivyo Yehova wakukhumba. (Efe 4:22-24) Ŵasimikizgirani kuti Yehova wangaŵawovwira kuti ŵaleke vizgoŵi viheni. (Fil 4:13) Ŵasambizgani kuti ŵaŵeyelerenge Yehova kuti waŵawovwire pambere makhumbiro ghaheni ghandakure na kuchita kwananga. Ŵawovwirani kumanya umo ŵangagegera vinthu ivyo vingaŵapangiska kuchita viheni. Ŵachiskani kuti nyengo zose ŵachitenge viwemi m’malo mwa kutangwanika na vinthu ivyo vingaŵapangiska kulutilira kuŵa na vizgoŵi viheni. Muzamukondwa para mukuwona kuti Yehova wakovwira ŵasambiri ŵinu kusintha vinthu vinyake.

WONELERANI VIDIYO YA MUTU WAKUTI, WOVWIRANI ŴASAMBIRI ŴINU KUTI ŴALEKE VIZGOŴI VIHENI, NDIPO PAMANYUMA ZGORANI MAFUMBO GHAKULONDEZGAPO AGHA:

• Kasi ŵalara na Neeta ŵakalongora wuli kuti ŵakagomezganga kuti Jade wangasintha?

• Kasi Neeta wakalutilira wuli kumovwira Jade?

• Kasi Jade wakapenja wuli wovwiri kwa Yehova?