Epulero 29–Meyi 5
SALIMO 34-35
Sumu 10 na Lurombo | Mazgu Ghakwamba (Min. 1)
1. Lumbani “Yehova Nyengo Zose”
(Mamin. 10)
Davide wakalumbanga Yehova nanga mphanyengo iyo wakasangananga na masuzgo (Sa 34:1; w07 3/1 25 ¶11)
Davide wakathumbwa mwa Yehova, m’malo mwa kujithumbwa yekha (Sa 34:2-4; w07 3/1 26 ¶13)
Ŵanji ŵakakhozgekanga na mazgu ghakulumba Yehova agho Davide wakayowoyanga (Sa 34:5; w07 3/1 26 ¶15)
Davide wati waponoskeka mu mawoko gha Abimeleki, ŵanalume 400 awo ŵakakondwanga yayi na ufumu wa Sauli, ŵakamulondezga mu mapopa. (1Sa 22:1, 2) Davide wakwenera kuti wakaghanaghananga za ŵanthu aŵa apo wakalembanga salimo ili.—Sa 34, mazgu agho ghali pachanya.
JIFUMBANI KUTI, ‘Kasi pa maungano ghakulondezgapo ningazakalumba wuli Yehova para nkhuyowoyeskana na munthu?’
2. Ivyo Tasambira
(Mamin. 10)
-
Sa 35:19—Kasi Davide wakang’anamurangachi apo wakapempha Yehova kuti waleke kuzomerezga ŵanthu awo ŵakumutinkha kuti “ŵatinyirane maso”? (w06 6/1 31 ¶11)
-
Kasi mwasanga fundo wuli pakuŵerenga Baibolo sabata iyi izo mungatemwa kuyowoyapo?
3. Kuŵerenga Baibolo
(Mamin. 4) Sa 34:1-22 (th sambiro 5)
4. Kwamba Kuyowoya na Ŵanthu
(Mamin. 2) KUPHARAZGA MWAMWAŴI. Chidumbirano chamalira panthowa pambere mundamupharazgire. (lmd sambiro 1 fundo 4)
5. Kuwelerako
(Mamin. 4) KUPHARAZGA MWAMWAŴI. (lmd sambiro 2 fundo 4)
6. Kulongosora Vigomezgo Vinu
(Mamin. 5) Chiyelezgero. ijwfq 59—Mutu: Kasi Ŵakaboni ŵa Yehova Ŵakumanya Wuli Usange Holide Yikukondweska Chiuta Panji Yayi? (th sambiro 17)
Sumu 59
7. Nthowa Zitatu Izo Tingalumbira Yehova pa Maungano
(Mamin. 15) Kudumbiskana.
Maungano ghakutipa mwaŵi uwemi chomene wakulumbira Yehova. Wonani nthowa zitatu izo tingalumbira Yehova pa maungano.
Kudumbiskana: Yowoyani za uwemi wa Yehova para mukudumbiskana na ŵanji. (Sa 145:1, 7) Kasi mukapulika panji kuŵazga nkhani yinyake iyo yikamovwirani? Kasi mukakumana na vinthu vyakukondweska mu uteŵeti? Kasi mukakhozgeka na ivyo munthu munyake wakayowoya panji kuchita? Kasi mukawona chinthu chinyake mu chilengiwa icho chikamukondweskani? Vyose ivi ni vyawanangwa vyakufuma kwa Yehova. (Yak 1:17) Mufikenge mwaluŵiro pa maungano kuti muŵenge na nyengo yakuchezgera na ŵanji.
Kuzgorapo: Yezgani kuzgorapo nanga kangaŵa kamoza pera pa ungano uliwose. (Sa 26:12) Mungazgora mwakudunjika fumbo ilo lafumbika panji mungasazgirapo fundo yinyake, mungalongosora lemba, chithuzi panji mungalongosora umo fundo iyo yingatovwilira. Nozgekerani fundo zinandi chifukwa ŵanyinu nawo ŵamukhumba kuti ŵazgorepo. Ŵanandi ŵangaŵa na mwaŵi ‘wakupeleka sembe za malumbo kwa Chiuta’ para tikupeleka mazgoro ghithu mu masekondi 30 panji kukhira pasi.—Heb 13:15.
Sumu: Mukwenera kwimba sumu za Ufumu mwakuthukutera. (Sa 147:1) Ni nyengo zose yayi apo ŵangamuwuskani kuti muzgorepo pa maungano, chomene para mpingo winu ngwa ŵanthu ŵanandi, kweni nyengo zose mungaŵa na mwaŵi wakwimbako sumu. Nanga mungajipulika kuti mulije mazgu ghawemi ghakwimbira, kweni Yehova wakukondwa chomene para mukufwilirapo kwimba. (2Ko 8:12) Munganozgekerathu kwimba sumu apo muchali kunyumba.
Wonelerani VIDIYO ya mutu wakuti, Mbiri Yithu—Chawanangwa cha Sumu, Chigaŵa 1. Pamanyuma fumbani ŵategherezgi kuti:
Kufuma waka mu nyengo yakwambilira ya mdauko withu, kasi talongora wuli kuti kwimba sumu zakulumba Yehova nkhwakuzirwa?
8. Sambiro la Baibolo la Mpingo
(Mamin. 30) bt mutu 9 ¶1-7, mazgu ghakwamba gha chigaŵa 3, na bokosi pa peji 70
