UMOYO WACHIKHRISTU
Kasi Mukugwiliskira Ntchito JW Library?
JW Library ni pulogiramu yaulere iyo yingamovwirani kuti muchite dawunilodi Baibolo, mabuku, mavidiyo, na vinthu vinyake pa foni yinu, tabuleti, panji kompyuta.
KASI MUNGAYISANGA WULI? Lutani pa Intaneti, chitani dawunilodi JW Library pa app store. Pa app store mungasangapo pulogiramu iyo yikugwira ntchito pa makompyuta, matabuleti, panji mafoni ghakupambanapambana. Apo muchali pa Intaneti, julani pulogiramu iyi ndipo sankhani vinthu ivyo mukukhumba kuchita dawunilodi. Usange ntchakusuzga kuchita dawunilodi ku nyumba yinu, mungakachitira dawunilodi ku Nyumba ya Ufumu usange yiliko, ku layibulare, panji kulikose uko kungaŵa Intaneti yakukhazikika. Para mwachita dawunilodi buku panji chinthu chinyake, mungaŵerenga nyengo yiliyose nanga mungaŵa pambura Intaneti. Pakuti nyengo na nyengo pa JW Library ŵakusazgirapo tunthu tunyake, muwoneseskenge kuti mukunjira pa Intaneti kuti mutorengeko tunthu utu.
CHIFUKWA WULI MUKWENERA KUŴA NAYO? JW Library njakovwira chomene pakusambira pamwekha kweniso kuti mwenderenge lumoza na ŵanyinu pa maungano gha mpingo. Njakovwiraso chomene pakupharazga, chomenechomene para mwaŵi wasangika.
Panji Mungatemwa Kuŵerengaso Nkhani Izi
KUPHARAZGA
Kupharazga Uthenga wa mu Baibolo na Webusayiti ya JW.ORG
Ŵakaboni ŵa Yehova, ŵana na ŵalara wuwo, ŵakutemwa kujura webusayiti ya jw.org na kuphalirako ŵanthu uthenga uwemi wa Ufumu wa Chiuta.
WOVWIRI
JW Library
Ŵerengani na kusambira Baibolo la Mang’anamuliro gha Charu Chiphya. Yaniskani na Mabaibolo ghanyake.
