Apo tikuzizipizga “mazuŵa ghaumaliro” agha, tikukhazga kuti masuzgo ghalutilirenge kusazgikira. (2Ti 3:1; nwtsty mazgu ghakulongosora vesi, Mt 24:8 mu mwbr18.03 p. 3) Para kwachitika masoka ghachilengiwa, kanandi ŵanthu ŵa Yehova ŵakupokera ulongozgi wakwenelera wa umo ŵangachitira kuti ŵavikilirike. Ntheura kuti tizakapone para kwachitika soka lachilengiwa tikwenera kuchitapo kanthu sono nthena. Tikwenera kuŵa ŵakupulikira kweniso tikwenera kunozgekelerathu mwauzimu na mwakuthupi wuwo.—Lu 16:10.

• Nozgekani Mwauzimu: Ŵani na ndondomeko yiwemi yakuchitira vinthu vyauzimu. Sambirani nthowa zinandi zakupharazgira. Kufipa mtima chomene yayi para kwa nyengo yichoko waka mwatalikirana na ŵabali na ŵadumbu. (Yes 30:15) Yehova na Yesu ŵachali namwe.—od 176 ¶15-17

• Nozgekani Mwakuthupi: Padera pakuŵa na chikwama cha pangozi, banja lililose likwenera kusunga chakurya, maji, mankhwala, na vinthu vinyake ivyo vingakaŵawovwira kwakanyengo kukakhala ku malo ghanyake usange vingachitika kuti soka laŵawira.—Zi 22:3; g17.5 4, 6

WONELERANI VIDIYO YA MUTU WAKUTI KASI NDIMWE ŴAKUNOZGEKA USANGE KUNGACHITIKA SOKA LACHILENGIWA? NDIPO PAMANYUMA ZGORANI MAFUMBO GHAKULONDEZGAPO AGHA:

• Kasi tinganozgekera wuli mwauzimu para kungachitika soka?

• Chifukwa wuli:

  • tikwenera kulutilira kuyowoyeskana na ŵalara pafupipafupi?

  • tikwenera kuŵirathu na vyakukhumbikwa para kungachitika vinthu vyamabuchi?

  • tikwenera kumanya masoka agho ghangachitika kweniso ivyo tingachita?

• Kasi ni nthowa wuli zitatu izo tingawovwilira ŵanyithu awo ŵakumana na soka lachilengiwa?

JIFUMBANI KUTI, ‘Kasi nasambirapo vichi pa nkhani yakuŵa wakunozgeka pa muliri wa COVID-19?’