Pakuti ndise ŵanthu ŵambura kufikapo, tikwenera kulutilira kuŵikapo mtima kuti tileke kulondezga makhumbiro ghithu. Usange tingazomerezga makhumbiro ghithu na kuchita chilichose icho takhumba, mbwenu tingananga ubwezi withu na Yehova. Mwachiyelezgero, ŵanyake ŵangazomerezga kuti khumbo la chakurya, vyakuvwara, panji malo ghawemi ghakukhala kuŵa likuru chomene kuluska kutemwa Chiuta. Ŵanji ŵakukhorweska makhumbiro ghawo ghakugonana kwambura kupwelerako fundo za Chiuta. (Ro 1:26, 27) Ndipo ŵanyake ŵangachichizgika na ŵanyawo kuchita viheni na chilato chakuti ŵanyawo ŵaŵatemwe.—Ek 23:2.

Kasi tingachita wuli kuti tileke kuzomerezga makhumbiro ghithu ghaheni? Tikwenera kuŵikapo mtima kuti tikondweskenge Yehova nyengo zose. (Mt 4:4) Kweniso tikwenera kupempha Yehova kuti watovwire kuti tijikorenge. Chifukwa wuli? Chifukwa Yehova wakumanya icho ntchiwemi kwa ise ndipo wakumanya umo tingakhorweskera makhumbiro ghithu ghawemi.—Sa 145:16.

WONELERANI VIDIYO YA MUTU WAKUTI, MUNGAZOMEREZGANGA YAYI KUTI KUKHWEŴA KUNANGE UMOYO WINU, NDIPO PAMANYUMA ZGORANI MAFUMBO AGHA:

• Chifukwa wuli ŵanthu ŵanyake ŵakukhweŵa?

• Kasi kukhweŵa kungananga wuli umoyo winu?

• Chifukwa wuli ntchiheni kukhweŵa na kubema?—2Ko 7:1

• Kasi mungakana wuli kukhweŵa ndipo mungachita wuli kuti muleke?