Chitemwa chikutovwira kuti tiŵe ŵakujiyuyura. (1Ko 13:4) Para tikuŵatemwa ŵabali na ŵadumbu ŵithu, tijiwonenge kuti tili ŵakuzirwa chomene kuluska iwo yayi. Tiwonenge viwemi mu ŵanji na kugwiliskira ntchito maluso ghithu kuŵawovwira. (Fil 2:3, 4) Para tikulongora kuti tikuŵatemwa chomene ŵabali na ŵadumbu ŵithu, ndipo Yehova watigwiliskirengeso chomene ntchito.

WONELERANI VIDIYO YA MUTU WAKUTI, IVYO CHITEMWA CHIKUCHITA NA KULEKA KUCHITA—CHIKUJITUKUMURA YAYI, NDIPO PAMANYUMA ZGORANI MAFUMBO AGHA:

• Kasi Abisalomu wakaŵa na vyawanangwa wuli?

• Kasi iyo wakagwiliskira wuli uheni vyawanangwa ivi?

• Kasi tingagega wuli kujitukumura?—Ga 5:26