Chifukwa cha chitemwa, tikugomezga kuti ŵabali na ŵadumbu ŵasankhenge vinthu mwamahara. (1Ko 13:4, 7) Mwachiyelezgero, usange mubali wachita kwananga ndipo wachenyeka, tikugomezga kuti wagwilirengepo ntchito na kusintha. Tikuzikira nawo ŵanthu awo chipulikano chawo ntchakulopwa ndipo tikuyezga kuŵawovwira. (Ro 15:1) Usange munyake wawuleka mpingo, tikutayirathu mtima yayi, tikumanya kuti zuŵa linyake wangazakaweleraso mu mpingo.—Lu 15:17, 18.

WONELERANI VIDIYO YA MUTU WAKUTI, IVYO CHITEMWA CHIKUCHITA NA KULEKA KUCHITA—CHIKUGOMEZGA VINTHU VYOSE, NDIPO PAMANYUMA ZGORANI MAFUMBO AGHA:

• Kasi Abineri wakasintha wuli pa nkhani ya kugomezgeka?

• Kasi Davide na Yowabu ŵakazgora wuli pa ivyo Abineri wakapempha?

• Chifukwa wuli tikwenera kugomezga kuti ŵabali ŵithu ŵachitenge vinthu mwamahara?