Mu upharazgi Yesu wakagwiliskiranga ntchito vinthu ivyo vikachitikanga pa nyengo iyo, pakusambizga ŵanthu. (Lu 13:1-5) Namwe mungagwiliskira ntchito vinthu ivyo vikuchitika pasono kuti ŵanthu ŵanweke na uthenga wa Ufumu. Para mwalongosora umo viliri vyakusuzga pasono kusanga vyakukhumbikwa pa umoyo, soka la chilengiwa, viwawa ivyo vikuchitika, kugwiliskira ntchito uheni munkhwala panji chilichose chakuyanako, fumbani fumbo lakuti munthu waghanaghanirepo. Mungafumba kuti: “Kasi mukughanaghana kuti vingazakachitika kuti kuzakaŵavye . . . ?” panji “Kasi mukuwona kuti suzgo ili lingazakamara wuli?” Pamanyuma mujulirani vesi la mu Baibolo ilo likukolerana na nkhani iyo mukudumbiskana. Usange munthu wakuwoneka kuti ngwakunweka mulongorani vidiyo panji buku pa mabuku agho tikusambizgira ŵanthu Baibolo. Apo tikuŵikapo mtima kuŵafika pa mtima ŵanthu mu chigaŵa chithu, mphanyi tachita “vinthu vyose ivi chifukwa cha makani ghawemi.”—1Ko 9:22, 23.

Kasi ni nkhani wuli izo zingaŵafika pa mtima ŵanthu mu chigaŵa chinu?