Kudumbiskana na munthu mwamwaŵi ni nthowa yimoza yakukondweska chomene yakupharazgira munthu. Kweni nyengo zinyake tingachita wofi kudumbiskana na munthu para tikughanaghanira chomene umo tingalongosolera fundo ya pa lemba. Ntheura m’malo mwa kufipa mtima na ivyo mwamuyowoya, mukwenera kughanaghanira chomene munthu uyo mukukhumba kumupharazgira. (Mt 22:39; Fil 2:4) Usange pa nyengo iyo mukudumbiskana mpata wasangika wakuti muyowoye za chipulikano chinu, pali vinandi ivyo vingamovwirani pakupharazga.

Kasi vinthu vyakulondezgapo ivi vingamovwirani wuli kuti mupharazgire munthu uyo wambiska nkhani yinyake mukati mu chidumbirano?

WONELERANI VIDIYO YA MUTU WAKUTI, ‘CHISULO CHIKUNORA CHISULO CHINYAKE’—KWAMBISKA CHIDUMBIRANO, NDIPO PAMANYUMA ZGORANI FUMBO ILI:

Kasi ni nthowa wuli zitatu izo zingatovwira kuti tiŵe na luso pakwambiska chidumbirano?