“Yehova wakukondwa na ŵanthu ŵake.” (Sa 149:4) Nangauli ndise ŵambura kufikapo, iyo wakuwona viwemi ivyo tikuchita kweniso ivyo tingakwaniska kuchita. Kweni nyengo zinyake chingatiŵira chinonono kuti tijiwonenge mwakwenelera. Tingamba kujiwona kuti ndise ŵambura kuzirwa chifukwa cha umo ŵanji ŵakuchitira nase vinthu. Kweniso usange tikughanaghanira chomene pa vinthu ivyo tikanangiska kumanyuma, tingamba kukayika kuti Yehova wakutitemwa nadi. Kasi ntchivichi chingatovwira usange ndimo tamba kujipulikira?

Kumbukani kuti Yehova wakuwona vinandi kujumpha ivyo ŵanthu ŵangawona. (1Sa 16:7) Ichi chikung’anamura kuti wakuwona vinandi mwa ise kujumpha ivyo taŵeneko tikuwona. Baibolo likutovwira kupulikiska umo Yehova wakutiwonera. Tingayipulikiska makora fundo iyi para tingaŵerenga nkhani za mu Baibolo izo zikuvumbura umo Yehova wakutemwera ŵasopi ŵake.

WONELERANI VIDIYO YAKUTI, PELEKANI MTIMA WINU KWA YEHOVA, NDIPO PAMANYUMA ZGORANI MAFUMBO GHAKULONDEZGAPO AGHA:

• Kasi chiyelezgero cha mwana uyo wakuchita maseŵero ghakuchimbira na adada ŵake chikutisambizga vichi pa nkhani ya umo Yehova wakutiwonera?

  Your answer

• Usange munthu uyo wachita kwananga kukuru wachita vyose vyakwenelera kuti wanozge ubwezi wake na Yehova, kasi wangasimikizga wuli mu mtima kuti ngwakwenelera pa maso pa Yehova?—1Yo 3:19, 20

  Your answer

• Kasi mubali wangusanga chandulo wuli chifukwa cha kuŵazga na kughanaghanirapo pa nkhani ya Davide na Yehoshafati?

  Your answer