• Sa 36:6—Kasi wamasalimo wakwenera kuti wakang’anamuranga vichi apo wakati urunji wa Yehova uli nga ni “mapiri ghakuru [panji, “nga ni mapiri gha Chiuta,” mazgu ghamusi.]”? (it-2-E 445)

  Lembani zgoro linu

• Kasi mwasanga fundo wuli pakuŵerenga Baibolo sabata iyi izo mungatemwa kuyowoyapo?

  Lembani zgoro linu

Pa charu chose chapasi, ŵabali na ŵadumbu ŵakusangana na masoka ghachilengiwa kweniso agho ŵanthu ŵakupangiska. (Sa 9:​9, 10) Chachitima ntchakuti “nyengo za suzgo” zingatiwira nyengo yiliyose, lekani tikwenera kunozgekera.

Apo tikunozgekera kuti tizakapone ku masoka agho ghangatiwira, a kasi ni vinthu wuli ivyo vingazakatovwira kuzizipizga?

• Nozgekereskani maghanoghano ghinu: Kumbukani kuti masoka ghangachitika nyengo yiliyose na kuwona ivyo mungachita para ghachitika. Lekani kuŵika mtima winu pa vinthu ivyo muli navyo. Ivi vingamovwirani kuti muchite vinthu mwamahara mwakuti muponoske umoyo winu kweniso umoyo wa ŵanji m’malo mwa kuponoska vinthu ivyo muli navyo. (Ge 19:16; Sa 36:9) Kweniso usange mukuleka kuŵika mtima pa vinthu ivyo muli navyo, mtima winu uzamuŵa mu malo pamanyuma pakuti soka lajumpha.—Sa 37:19

• Nozgekerani mwauzimu: Khozgani chipulikano chinu mwa Yehova ndipo gomezgani kuti wamupweleleraninge. (Sa 37:18) Pambere soka lindachitike, nyengo zose mujikumbuskenge kuti Yehova walongozgenge na kukhozga ŵateŵeti ŵake nangauli vingaŵa kuti taponoska ‘umoyo pera nga ntchinthu icho tapoka ku nkhondo.’—Yer 45:5; Sa 37:​23, 24

Tikwenera kuŵa na chigomezgo chose kuti Yehova wazamufiska ivyo wali kulayizga, ndipo ‘ni linga lithu mu nyengo ya suzgo.’—Sa 37:39.

Wonelerani VIDIYO ya mutu wakuti, Kasi Ndimwe Ŵakunozgeka Usange Kungachitika Soka? Ndipo pamanyuma fumbani ŵategherezgi kuti:

• Kasi Yehova wangatovwira wuli mu nyengo ya suzgo?

  Lembani zgoro linu

• Kasi tingachita wuli kuti tinozgekere?

  Lembani zgoro linu

• Kasi tingawovwira wuli awo ŵakhwaskika na masoka?

  Lembani zgoro linu