8:6-9, 12; 9:1-5, 23, 24

Yehova wakatuma moto uwo ukawotcha sembe yakwamba iyo ŵakapeleka apo Aroni na ŵana ŵake ŵakimikikanga kuŵa ŵasembe. Ivi vikalongora kuti Yehova wazomerezga kweniso kukhozgera ndondomeko iyi ya usembe. Kweniso ndimo Yehova wakachiskira Ŵaisrayeli wose awo ŵakawungana apa na kuwona ivyo vikachitika, kuti ŵakhozgere ndondomeko ya usembe iyi. Mazuŵa ghano, Yehova wali kwimika Yesu Khristu kuŵa Wasembe Mukuru. (Heb 9:11, 12) Mu 1919, Yesu wakasora kagulu ka Ŵakhristu ŵakuphakazgika kuŵa “muzga wakugomezgeka na wavinjeru.” (Mt 24:45) Kasi pali ukaboni wuli wakuti Yehova wakutumbika, kukhozgera kweniso kuzomerezga gulu la muzga wakugomezgeka?

• Nangauli pali masuzgo ghakupambanapambana, kweni muzga wakugomezgeka wakulutilira kutipa chakurya chauzimu icho chikutovwira kuti tiŵe ŵakukhora mwauzimu

• Makani ghawemi ‘ghakupharazgika mu charu chose chapasi’ nga umo uchimi ukayowoyera.—Mt 24:14

Kasi tingakhozgera wuli muzga wakugomezgeka na wavinjeru?