Ŵadumbu ŵakuchita vinandi pa ntchito ya Ufumu. (Sa 68:11) Ŵakuchitiska masambiro gha Baibolo ghanandi, ndipo pa chiŵelengero cha ŵapayiniya, ŵadumbu ndiwo mbanandi chomene. Ŵadumbu masauzandi ghanandi ŵakuteŵetera pa Beteli, kuchita umishonale, kujipeleka pa mulimo wakuzenga, kweniso wakung’anamura mabuku. Ŵadumbu ŵakukhwima ŵakukhozga mabanja ghawo kweniso mipingo. (Zi 14:1) Nangauli ŵadumbu ŵangateŵetera yayi nga mbalara panji ŵateŵeti ŵakovwira mu mpingo, kweni ŵangajiŵikira vilato mu mpingo. Para ndimwe mudumbu, kasi mungachita wuli kuti musazgireko uteŵeti winu?

• Ŵani na mikhaliro ya Chikhristu.—1Ti 3:11; 1Pe 3:3-6

• Wovwirani ŵadumbu mu mpingo awo ŵali na maluso ghachoko.—Tit 2:3-5

• Mupharazgenge chomene kweniso mwaluso

• Sambirani chiyowoyero chinyake

• Samirani uko kukukhumbikwa ŵapharazgi ŵanandi

• Pemphani kuti mukachiteko uteŵeti wa pa Beteli panji kovwirapo pa mulimo wakuzenga Nyumba za Ufumu na vinthu vinyake vya gulu

• Pemphani kuti mukasambireko Sukulu ya Ŵapharazgi ŵa Ufumu

WONELERANI VIDIYO YA MUTU WAKUTI “ŴANAKAZI AWO ŴAKUFUKAFUKA CHOMENE MU FUMU,” NDIPO PAMANYUMA ZGORANI FUMBO ILI:

• Kasi ivyo mudumbu waliyose wazgora vyamukhozgani wuli?