Nyengo zinyake tingawona nga kutokatoka kwithu nkhwawaka ndipo ŵanthu ŵakuwonga yayi ivyo tikuchita kweniso ŵakuchedwa yayi kuluwa. Kweni wuli pakuyowoya za uteŵeti withu uwo tikuchitira Yehova? Chiuta withu wakuwonga ndipo wakuluwa yayi kulimbikira kwithu pakumuteŵetera. Nanga pasono tingaŵa kuti tikulwara ndipo tikutondeka kuchita vinthu nga umo tikachitiranga kale, iyo watitayenge yayi.—Heb 6:10.

WONELERANI VIDIYO YA MUTU WAKUTI, YEHOVA WAKUKUMBUKA, NDIPO PAMANYUMA ZGORANI MAFUMBO GHAKULONDEZGAPO AGHA:

• Kasi Mubali Hibshman walongora wuli kuti wateŵetera Yehova na mtima wose mu mauteŵeti ghakupambanapambana?

• Kasi Yehova wakalongora wuli kuti wandaluwe milimo ya Mubali Hibshman, muwoli wake wati wafwa kweniso wati wamba kutondeka kuchita vinandi chifukwa cha uchekuru?

• Kasi Mubali Hibshman watumbikika wuli chifukwa cha kuchitako uteŵeti wanyengozose?—Zi 10:22