Novembala 18-24
SALIMO 107-108
Sumu 7 na Lurombo | Mazgu Ghakwamba (Min. 1)
1. “Wongani Yehova, Chifukwa Ni Muwemi”
(Mamin. 10)
Nga umo Yehova wakawombolera Ŵaisrayeli kufuma ku Babuloni, nase Yehova watiwombora kufuma ku charu cha Satana (Sa 107:1, 2; Kol 1:13, 14)
Tingamuwonga Yehova para tikumulumba mu mpingo (Sa 107:31, 32; w07 5/1 8 ¶2)
Tingalutilira kumuwonga chomene Yehova, para tikughanaghanirapo pa vyose ivyo watichitira (Sa 107:43; w15 1/15 9 ¶4)
2. Ivyo Tasambira
(Mamin. 10)
-
Sa 108:9—Chifukwa wuli Baibolo likuyaniska Mowabu na “chimphani [cha Chiuta] chakugezeramo,” panji kuti chiŵiya chakugezeramo? (it-2-E 420 ¶4)
-
Kasi mwasanga fundo wuli pakuŵerenga Baibolo sabata iyi izo mungatemwa kuyowoyapo?
3. Kuŵerenga Baibolo
(Mamin. 4) Sa 107:1-28 (th sambiro 5)
4. Kwamba Kuyowoya na Ŵanthu
(Mamin. 3) KUPHARAZGA MWAMWAŴI. (lmd sambiro 1 fundo 4)
5. Kuwelerako
(Mamin. 4) KUPHARAZGA MWAMWAŴI. Muphalirani munthu kuti tikusambira Baibolo na ŵanthu, ndipo mupani kadi lakuti sambirani Baibolo kwaulere. (lmd sambiro 9 fundo 3)
6. Nkhani
(Mamin. 5) ijwyp 90—Mutu: Kasi Ningachita Wuli Kuti Nileke Kughanaghana Waka Vinthu Viheni? (th sambiro 14)
Sumu 46
7. Tikwimba Kuti Tiwonge Yehova
(Mamin. 15) Kudumbiskana.
Yehova wati wawombora Ŵaisrayeli ku ŵasilikari ŵankhongono ŵa Eguputo pa Nyanja Yiswesi, ŵanthu ŵake ŵakamuwonga pakumwimbira sumu. (Ek 15:1-19) Ŵanalume ŵakadangilira pakwimba sumu yiphya iyi. (Ek 15:21) Yesu na Ŵakhristu ŵakwambilira nawo ŵakimbanga kuti ŵalumbe Chiuta. (Mt 26:30; Kol 3:16) Tikulutilira kulongora kuti tikuwonga Yehova para tikwimba pa maungano gha mpingo, gha dera na gha chigaŵa. Mwachiyelezgero, sumu iyo timba sonosono yakuti, “Tikumuwongani Yehova,” yikamba kwimbika pa maungano ghithu kufuma mu 1966.
Mu vigaŵa vinyake, ŵanalume ŵangachita soni kwimba pa wumba. Ŵanyake ŵakutondeka kwimba chifukwa ŵakughanaghana kuti ŵali na mazgu ghaheni. Kweni tikwenera kukumbuka kuti kwimba sumu pa maungano ghithu ntchigaŵa cha kusopa. Gulu la Yehova likuŵikapo mtima chomene pa kwata panji kuti kunozga sumu, kweniso kusankha sumu zakwenelera zakuti tingimba pa maungano. Icho ise tingachitapo ntchipusu waka. Tikwenera kwimba pamoza kulongora kuti tikutemwa na kuwonga Adada ŵithu ŵakuchanya.
Wonelerani VIDIYO ya mutu wakuti, Mbiri Yithu—Chawanangwa cha Sumu, Chigaŵa 2. Pamanyuma fumbani ŵategherezgi kuti:
-
Kasi ntchinthu wuli chakukondweska icho chikachitika mu 1944?
-
Kasi ŵabali ŵithu ku Siberia ŵakalongora wuli kuti ŵakutemwa kwimba sumu za Ufumu?
-
Chifukwa wuli Ŵakaboni ŵa Yehova ŵakuwona kuti kwimba nkhwakuzirwa chomene?
8. Sambiro la Baibolo la Mpingo
(Mamin. 30) bt mutu 18 ¶6-15
