Yesu wakapeleka umoyo wake chifukwa cha ise taŵanthu ŵakwananga. (Ro 5:8) Tikukayika yayi kuti waliyose wa ise wakuwonga chomene kuti Yesu wakutitemwa lekani wakapeleka umoyo wake chifukwa cha ise. Ndipouli, nyengo zinyake tikwenera kujikumbuska kuti Khristu wakafwiraso mubali withu. Kasi tingalongora wuli chitemwa nga cha Khristu ku ŵabali na ŵadumbu ŵithu awo mbakwananga nga ndise? Tiyeni tiwone nthowa zitatu. Nthowa yakwamba, tikwenera kusanuzga ŵabwezi kusazgapo ŵanthu awo ŵali kukulira kunyake. (Ro 15:7; 2Ko 6:12, 13) Yachiŵiri, tikwenera kuŵa maso kuti tileke kuyowoya panji kuchita vinthu ivyo vingakhuŵazga ŵanyithu. (Ro 14:13-15) Nthowa yaumaliro, usange munyithu watibudira tikwenera kumugowokera mwaluŵiro. (Lu 17:3, 4; 23:34) Para tikuyezgayezga kulondezga Yesu mu nthowa zitatu izi, Yehova walutilirenge kutumbika mpingo chifukwa muŵenge mtende kweniso kukolerana.

WONELERANI VIDIYO YA MUTU WAKUTI, ŴANI ŴAKUTOWA MU MASO GHA YEHOVA NDIPO PAMANYUMA ZGORANI MAFUMBO GHAKULONDEZGAPO AGHA:

• Kasi Miki wakawuwonanga wuli mpingo wawo pakwamba?

• Ni vichi vikamovwira kuti wasinthe ivyo wakaghanaghananga?

• Kasi chiyelezgero cha Yesu chikamovwira wuli Miki kusintha umo wakawoneranga vinthu? (Mrk 14:38)

• Kasi lemba la Zintharika 19:11 lingatovwira wuli kuti tiwonenge mwakwenelera Ŵakhristu ŵanyithu?