UMOYO WA CHIKHRISTU
Kumbukani Muwoli wa Loti
Chifukwa wuli muwoli wa Loti wakalaŵiska kumasinda apo wakachimbiranga kufuma mu Sodomu? Baibolo lindayowoye. (Ge 19:17, 26) Kweni mazgu ghakuchenjezga gha Yesu ghakulongora kuti wakadokeranga vinthu vyakumasinda ivyo wakasida. (Lu 17:31, 32) Mwakupambana na muwoli wa Loti, kasi tingachita wuli kuti Chiuta walutilire kutitemwa? Tingazomerezganga yayi kuti vinthu vyakuthupi viŵe pa malo ghakwamba. (Mt 6:33) Yesu wakasambizga kuti “vingachitika yayi kuti pa nyengo yimoza muŵe ŵazga ŵa Chiuta na Usambazi.” (Mt 6:24) Kasi tingachita wuli usange vinthu vyakuthupi vyamba kutilyera nyengo yakuchitira vinthu vyauzimu? Tingalomba kwa Yehova kuti watipe vinjeru panji mahara kuti tiwone apo tikwenera kusintha kuti tiŵe na chikanga kweniso nkhongono.
MWAKUYANA NA VIDIYO YA VIGAŴA VITATU YA KUMBUKANI MUWOLI WA LOTI, ZGORANI MAFUMBO AGHA:
-
Kasi mu vyakuchita vyane ningalongora wuli kuti ‘nkhukumbuka muwoli wa Loti’?
Kasi Gloria wakasintha wuli kaghanaghaniro, kayowoyero, na vyakuchita chifukwa cha kuchichizgika kuti wasange ndalama zinandi?
-
Chifukwa wuli ivyo vikachitikira muwoli wa Loti, ni chenjezgo kwa ise mazuŵa ghano?
-
Kasi Joe na banja lake ŵakawovwirika wuli chifukwa cha kulondezga fundo za mu Baibolo?
-
Kasi ŵabwezi ŵa Anna ŵa ku ntchito ŵakatimbanizga wuli umoyo wake wauzimu?
-
Chifukwa wuli tikukhumbikwira chikanga para ŵanyithu ŵakutichichizga kuti tiŵikenge ndalama pa malo ghakwamba?
-
Kasi Brian na Gloria ŵakachita wuli kuti ŵambeso kuŵika vinthu vyauzimu pa malo ghakwamba?
-
Kasi ni fundo wuli za mu baibolo izo zalongosoreka mu vidiyo iyi?
