Umo Mungapharazgira
WUKANI!
Fumbo: Ŵanthu ŵanyake ŵakukayika kuti Yesu wakaŵako. Ŵanyake ŵakugomezga kuti wakaŵako. Paliso ŵanyake awo ŵakuti tingamanya yayi usange wakaŵako panji yayi. Kasi imwe mukuti wuli?
Pelekani magazini: Magazini iyi yikulongosora ivyo ukaboni ukulongora.
SAMBIZGANI UNENESKO
Fumbo: Kasi chikuchitika ntchivichi para munthu wafwa?
Lemba: Yoh 11:11-14
Unenesko: Para munthu wafwa, umoyo wake wamalira papo. Ntheura tikwenera yayi kopa ivyo ŵanthu ŵakuti vikuchitika para munthu wafwa. Yesu wakayaniska nyifwa na tulo. Iyo wakawuska Lazaro, ntheura Yesu ‘wazamuwuska’ ŵabali ŵithu awo ŵali kufwa mwakuti ŵazakaŵeso ŵamoyo pa charu.—Yobu 14:14.
KAPEPARA KAKUCHEMERA ŴANTHU KU MAUNGANO GHA MPINGO (inv)
Pelekani kapepara: Nkhumuchemani kuti muzakapulike chisambizgo cha mu Baibolo kwambura kulipira. Chisambizgo ichi chamuyowoyekera mu Nyumba ya Ufumu, malo agho tikusoperapo. [Mupani kapepara ndipo mulongorani nyengo na malo uko kwamuyowoyekera nkhani, kweniso zunurani mutu wa nkhani.]
Fumbo: Kasi muli kulutako ku Nyumba ya Ufumu? [Usange mphakwenelera, mulongorani vidiyo yakuti Kasi pa Nyumba ya Ufumu Pakuchitika Vichi?]
IMWE MUNGAPHARAZGA WULI?
Lembani masachizgo ghinu gha umo mungakapharazgira. Mulembe kuyana na masachizgo agho ghalembeka.
