Kasi ni mikhaliro wuli iyo mungatemwa kuti mubwezi winu waŵe nayo? Ntchakuwonekerathu kuti mungatemwa kuti waŵe wakugomezgeka, walusungu, na wakupa. Yehova wali na mikhaliro yose iyi. (Ek 34:6; Mil 14:17) Wakutegherezga para mukumulomba. Wakumovwirani pa nyengo yiliyose iyo mukukhumbikwira wovwiri. (Sa 18:19, 35) Wakumugowokerani zakwananga zinu. (1Yo 1:9) Yehova ni Mubwezi muwemi chomene.

Kasi mungachita wuli kuti muŵe paubwezi na Yehova? Sambirani vya iyo mu Mazgu ghake. Muphalirani vya ku mtima kwinu. (Sa 62:8; 142:2) Mulongorani kuti mukuzirwiska vinthu ivyo wakuviwona kuti ni vyakuzirwa. Pa vinthu ivi pali Mwana wake, Ufumu wake, na malayizgo ghake. Muphalirengeko ŵanyinu vya iyo. (Do 32:3) Usange muŵenge paubwezi wakukhora na Yehova, waŵenge Mubwezi winu muyirayira.—Sa 73:25, 26, 28.

WONELERANI VIDIYO YA MUTU WAKUTI ŴAWUKIRANO—“CHETANI MWE, MUWONE KUTI YEHOVA NI MUWEMI,” NDIPO PAMANYUMA ZGORANI MAFUMBO GHAKULONDEZGAPO AGHA:

• Kasi mungachita wuli kuti mujipatulire na kubatizika?

• Kasi ŵanji mu mpingo ŵangamovwirani wuli kuti muteŵetere Yehova?

• Kasi kupharazga kukumovwirani wuli kukhozga ubwezi winu na Yehova?

• Kasi ni mauteŵeti wuli agho mungachita mu gulu la Yehova?

• Ntchinthu wuli icho mukutemwa chakukhwaskana na Yehova?