MAZGU GHA CHIUTA MBUSAMBAZI | EKISODO 33-34
Mikhaliro Yakukondweska ya Yehova
Chifukwa chakuti Mozesi wakayimanya makora mikhaliro ya Yehova, vikamovwira kuchita vinthu mwakuzikira na Ŵaisrayeli. Mwakuyana waka, nase para tingayimanya makora mikhaliro ya Yehova, tichitenge vinthu mwalusungu na Ŵakhristu ŵanyithu.
-
‘Ngwalusungu na wachiwuravi’: Yehova wakupwelelera ŵateŵeti ŵake, ndipo wakuŵalongora chitemwa kweniso wakuŵafipira mtima chomene nga umo ŵapapi ŵakuchitira na ŵana ŵawo.
-
“Wakukalipa luŵiro chara”: Yehova wakuzikira nawo ŵateŵeti ŵake, ndipo para ŵabuda wakuŵapa nyengo kuti ŵasinthe.
-
‘Ngwakuzara na chitemwa’: Yehova wali na chitemwa chakugomezgeka ku ŵateŵeti ŵake, ntheura chitemwa chake pa iwo ntchamuyirayira.
JIFUMBANI KUTI, ‘Kasi ningamuyezga wuli Yehova pa nkhani ya lusungu na chiwuravi?’
