UMOYO WACHIKHRISTU
Ivyo Tingachita Kuti Tiŵe Ŵaluso mu Uteŵeti —Kuchiska Ŵanthu Ŵakunweka Kuti Ŵizenge ku Maungano
CHIFUKWA WULI NTCHAKUZIRWA?: Maungano ghakutipa mwaŵi wakuti ‘tiyimbire Yehova’ na ‘kumulumba.’ (Sa 149:1) Pa maungano, tikusambizgika kuchita khumbo la Chiuta. (Sa 143:10) Ŵakunweka na awo tikusambira nawo Baibolo ŵakukura luŵiro mwauzimu para ŵamba kwiza ku maungano.
UMO MUNGACHITIRA:
-
Mupemphani munthu kuti wize ku maungano para mwakumana nayo waka. Kulindilira kuti mwambe dankha kusambira nayo Baibolo yayi.—Chiv 22:17
-
Muphalirani munthu wakunweka ivyo wamuwona kweniso ivyo tamusambira pa ungano wakulondezgapo. Ivi vingamovwirani pa nkhani iyi: Kapepara kakuchemera ŵanthu ku maungano gha mpingo, vidiyo yakuti Kasi pa Nyumba ya Ufumu Pakuchitika Vichi?, na sambiro 5 na 7 mu kabuku ka Khumbo la Yehova
-
Movwirani. Munthu wakunweka wangakhumbikwira wovwiri pa nkhani ya mendero panji kusankha vyakuvwara vyakwenelera, ntheura movwirani. Pa maungano, khalani nayo pamoza, ndipo muwonerenge lumoza pa mabuku ghinu. Mulongorani ku ŵabali