UMOYO WACHIKHRISTU
Usange Mwana Ndiyo Watipokelera
Para tawodira pa nyumba, ndipo mwana ndiyo watipokelera, timuphalire kuti tikukhumba kuyowoya na ŵapapi ŵake. Para tachita nthena ndikuti talongora ntchindi ku ŵapapi. (Zi 6:20) Usange mwana wakuti tinjire mu nyumba, tingazomeranga yayi. Usange ŵapapi ŵake palije, mbwenu tikizeso nyengo yinyake.
Usange mwana ni mularako, panji wali na vyaka vya pakati pa 15 na 19, ntchakwenelera nipera kufumba vya ŵapapi ŵake. Usange ŵapapi palije, tingamufumba usange ŵakumuzomerezga kuŵazga mabuku agho mweneko watemwa. Usange ŵakumuzomerezga, tingamupa buku ndipo panyake tingamulongora webusayiti yithu ya jw.org.
Para tikuwelerako kwa mwana uyo wakukhumba kumanya vinandi, timuphalire kuti tikukhumba kuwonana na ŵapapi ŵake. Ichi chitovwirenge kuti tiŵalongosolere ivyo tikwizira kweniso kuŵalongora ulongozgi uwemi wakovwira mabanja uwo uli mu Baibolo. (Sa 119:86, 138) Para tikuchindika na kughanaghanira ŵapapi, uŵenge ukaboni uwemi kweniso ichi chingatipa mwaŵi wa kupharazgira banja ilo makani ghawemi.—1Pe 2:12.