Kuti watovwire, Yehova watipa ŵabali na ŵadumbu. (1Pe 5:9) Iwo ŵangatovwira kuti titonde masuzgo agho tingasangana nagho mu uteŵeti. Mwachiyelezgero, mpositole Paulosi vinthu vikamwenderanga makora chifukwa Akwila na Prisila, Sila, Timote na ŵanyake ŵakamovwiranga.—Mil 18:1-5.

Kasi ŵabali na ŵadumbu ŵangamovwirani wuli mu uteŵeti? Ŵangamupani masachizgo ghakovwira kuti mutonde masuzgo agho mungakumana nagho mu uteŵeti, umo mungachitira paulendo wakuwelerako, panji umo mungagaŵilira buku na kwambiska sambiro la Baibolo. Ghanaghanirani za ŵanji mu mpingo winu awo ŵangamupani wovwiri uwo mukukhumbikwira, ndipo ŵapemphani. Tikukayika yayi kuti mose movwilikenge, ndipo muŵenge ŵakukondwa.—Fil 1:25.

WONELERANI VIDIYO YA MUTU WAKUTI MUKONDWENGE PAKUZGORA ŴANTHU KUŴA ŴASAMBIRI—ZOMERANI KUTI YEHOVA WAMOVWIRANI—ŴABALI ŴITHU, NDIPO PAMANYUMA ZGORANI MAFUMBO AGHA:

• Kasi Neeta wakamovwira wuli Jade kuti wasangikenge pa maungano gha mpingo?

• Chifukwa wuli tikwenera kuchemerako ŵapharazgi ŵanyithu ku sambiro lithu la Baibolo?

• Kasi ni vinthu wuli vyakuyana ivyo Jade na Abigay ŵakatemwanga?

• Kasi ni maluso wuli agho mungasambirako kwa Mkhristu munyinu mu upharazgi?