Kasi mukukondwa kugwiliskira ntchito mavidiyo kweniso mafumbo agho ghakupangiska munthu kulongosora maghanoghano ghake agho ghali mu buku la Mungakondwa na Umoyo Kwamuyirayira!? Wuli pakuyowoya za chigaŵa cha “Ivyo Ŵanyake Ŵakuyowoya,” “Vyakuti Muchite,” kweniso chigaŵa cha “Sangani Fundo Zakusazgikira”? Kasi ni vinthu wuli vinyake ivyo mwawona kuti ni vyakovwira pa mulimo wakuzgora ŵanthu kuŵa ŵasambiri?—Mt 28:19, 20.

Vithuzi: Para mukuchitiska sambiro la Baibolo mwakugwiliskira ntchito buku lakuchita kupulinta, kasi mungasanga wuli mwambura kusuzga mavidiyo na vithuzi pa malo ghamoza? Mu buku lakuŵerengera pa foni, jurani chimoza mwa vigaŵa vinayi vya buku ili. Pasi paumaliro wa mitu ya nkhani mungadofya apo palembeka kuti Mavidiyo na Vinthu Vinyake. Vyose vya chigaŵa icho muvisangenge. (Wonani chithuzi 1.)

Chigaŵa cha “Printed Edition”: Para mukusambira na munthu mwakugwiliskira ntchito foni panji tabuleti, mungawona kuti nyengo zinyake ntchakovwira kugwiliskira ntchito kachigaŵa kakuti “Printed Edition” apo mukuchitiska sambiro. Para mwajura mutu uwo musambirenge, lutani pa tumadontho tutatu uto tuli pachanya na kudofya apo ŵalemba kuti “Printed Edition.” Para mwajura vingamovwirani kuwona umo nkhani iyo mukudumbiskana yikukolerana na sambiro lose. Kuti muwelereso ku digital edition, lutaniso pa tumadontho tutatu, na kudofya pa “Digital Edition.”

“Kasi Ndine Wakunozgeka?”: Mabokosi agha ghali chakuumaliro kwa buku ili ndipo ghakulongosora ivyo vikukhumbikwa kuti munthu waŵe wakwenelera kupharazga pamoza na mpingo kweniso kubatizika. (Wonani chithuzi 2.)

Mazgu Ghakuumaliro: Chigaŵa ichi chikulongosora makora nkhani zinyake zakuzirwa. Buku lakusambilira pa foni liliso na malinki paumaliro wa mazgu ghakuumaliro ghalighose, ndipo para mwadofya ghakumovwirani kuti muwelereso pa nkhani iyo mwanguŵa. (Wonani chithuzi 2.)