Mazgu gha Chiuta ghakutovwira chomene kuti tizizipizge masuzgo agho tikusangana nagho mu mazuŵa ghaumaliro agha. (2Ti 3:1, 16, 17) Ndipouli, nyengo zinyake tingakhumbikwira wovwiri wa umo tingasangira fundo za mu Baibolo mwakuyana na suzgo ilo tasangana nalo. Mwachiyelezgero, kasi ndimwe mupapi, ndipo mukupenja ulongozgi wa umo mungalelera ŵana ŵinu? Kasi ndimwe muwukirano ndipo mukulimbana na masuzgo agho ghakuyezga chipulikano chinu? Kasi ndimwe chokoro ndipo mukulira nyifwa ya munyinu wa mu nthengwa? Pa jw.org musangenge ulongozgi wa mu Baibolo uwo umovwiraninge pa vigaŵa ivi, kweniso pa nkhani zinyake zinandi.—Zi 2:3-6.

Pa peji lakwamba pa jw.org, dofyani pa IVYO BAIBOLO LIKUSAMBIZGA. (Wonani chithuzi 1.) Pa ivyo vilipo, sankhanipo ivyo imwe mukukhumba. Panji dofyani pa LAYIBULARE > NKHANI ZAKUPAMBANAPAMBANA na kusankha ivyo mukukhumba. (Wonani chithuzi 2.) Vinthu vyakuyana waka ivi mungavisangaso pa JW Library^®. * Mungasanga nkhani izi mu ghamoza mwa malo agha. Nthowa yinyake njakuti mungagwiliskira ntchito malo ghakupenjerapo nkhani pa jw.org.

Lembani mazgu ghakulondezgapo agha, pa malo ghakupenjera nkhani na kusankha nkhani izo mungatemwa kuti muŵerenge.

• Kulera ŵana

• Ŵawukirano awo ŵakusuzgika maghanoghano

• Nyifwa ya mfumu panji muwoli winu