Nthowa yimoza yiwemi chomene iyo ŵapapi ŵangawovwilira ŵana ŵawo kuti ŵaŵe na vinjeru vyakufuma kwa Chiuta, nkhuŵawovwira kuti ŵasangenge chandulo na maungano Ghachikhristu. Ivyo ŵawukirano ŵakuwona, kupulika na kuzgora pa maungano, vingaŵawovwira kuti ŵasambire za Yehova na kuŵa mubwezi wawo. (Do 31:​12, 13) Usange ndimwe mupapi, kasi mungachitachi kuti movwire ŵana ŵinu kuti ŵasangenge chandulo na maungano?

• Yezgayezgani kuti mufikenge pa maungano.—Sa 22:22

• Mupaturenge nyengo yakuchezga na ŵabali na ŵadumbu pambere maungano ghandambe kweniso para yamara.—Heb 10:25

• Woneseskani kuti waliyose mu mbumba wali na mabuku agho ghamusambirika pa maungano, kwali gha pa foni panji ghakupulinta

• Wovwirani mwana waliyose kuti wanozgekere mazgoro mu mazgu yake na yake.—Mt 21:​15, 16

• Mutemwenge kuyowoya uwemi wa maungano kweniso ivyo mukusambira pa maungano

• Wovwirani ŵana ŵinu kuti ŵachitengeko milimo iyo yikuchitika pa Nyumba ya Ufumu nga nkhutozga Nyumba ya Ufumu kweniso kuchezga na ŵabali na ŵadumbu ŵachilara mu mpingo

Kovwira ŵana ŵinu kuti ŵaŵe paubwezi na Yehova kukukhumba kulimbikira, ndipo ichi chingaŵa chakusuzga nyengo zinyake. Kweni manyani kuti Yehova wangamovwirani.—Yes 40:29.

WONELERANI VIDIYO YA MUTU WAKUTI, ŴAPAPI, THEMBANI YEHOVA KUTI WAMUPANI NKHONGONO, NDIPO PAMANYUMA ZGORANI MAFUMBO GHAKULONDEZGAPO AGHA:

• Kasi kuvuka kukakhwaska wuli Zack na Leah?

  Lembani zgoro linu

• Chifukwa wuli ŵapapi ŵakwenera kulomba Yehova kuti waŵape nkhongono?

  Lembani zgoro linu

• Kasi Zack na Leah ŵakalongora wuli kuti ŵakugomezga wovwiri wa Yehova?

  Lembani zgoro linu