Ncemo Yithu kwa Imwe

Tasangwa comene kuyowoya namwe kwizira mu brosha ili. Tili na cigomezgo kuti namweso mwasangwa pakusambira vinandi vya Ŵakaboni ŵa Yehova. Tikumupempani kuti mwize ku Nyumba yithu ya Ufumu iyo yili kufupi na imwe. Mwize muzakawone umo maungano ghithu ghakucitikira. Muzakawoneso umo tikuyezgayezgera kupharazga ku ŵanji makani ghaweme ghakuphara za paradiso wa caru capasi kwizira mu Ufumu wa Kristu.

Ciuta wali kulayizga paradiso. “Kwakulingana na cilayizgano cake, tikulindirira macanya ghapya na caru cipya mwenemumo mukukhala urunji.” (2 Petros 3:13) Virimika mahandiredi ghanandi vyajumpapo. Nyengo yakulindirira yakhala pacoko waka kuti yimare. Vyakucitika vya caru vikulongora pakweru.

“Apo mukuwona zuŵa likuneng’enera,” wakayowoya mwanteura mpostole Paulos, “tighanaghanirane na kukhuŵirizgirana ku kutemwa na ku milimo yiweme; kureka kongana cara.” (Ŵahebere 10:24, 25) Tikumupempani kuti mugwilirepo ncito pa unjirikizgi wa Paulos kuti mwize muzakawungane nase.