Ku Ŵapapi

Kasi ŵana ŵinu mungaŵapa cawanangwa wuli ciwemi comene? Pali vinandi ivyo ŵana ŵakukhumba. Ŵakukhumba kuti muŵatemwenge, kuŵalongozga, na kuŵavikilira. Kweni pali cawanangwa ico nchakuzirwa kuluska vyose. Ŵakwenera kumanya Yehova, na unenesko uwo ukusangika mu Mazgu ghake, Baibolo. (Yohane 17:3) Ici ndico cingawovwira ŵana ŵinu kutemwa Yehova na kumuteŵetera na mtima wose, kwamba pa wanici.—Mateyu 21:16.

Ŵapapi ŵanandi ŵasanga kuti ŵana ŵakupulikiska makora usange ŵasambira dankha tucoko waka. Ntheura tili ŵakukondwa kumupani kabuku aka, ka mutu wakuti, Ivyo Nkhusambira mu Baibolo. Sambiro lililose likusambizga fundo mwaupusu. Vithuzithuzi na malemba tanozgera ŵana ŵacoko ŵa vyaka vitatu panji awo ŵandakwaniske. Kweniso muli masacizgo agho mungayezga kucita. Kabuku aka nkhakuti ŵana ŵaseŵereskenge yayi, kweni kuti imwe muŵazgirenge ŵana ŵinu, mwakuti mumanyane nawo makora.

Tikugomezga kuti kamovwiraninge kusambizga ŵana ŵinu unenesko uwo uli mu Baibolo “kufuma pa ubonda.”—2 Timote 3:14, 15.

Ndise ŵabali ŵinu,

Wupu Wakulongozga wa Ŵakaboni ŵa Yehova

[Cithuzithuzi pa peji 3]