Sambiro 12

Kucindika Umoyo na Ndopa

Kasi ndi mwauli umo tingauwonera umoyo? (1) kufumya ntumbo? (1)

Kasi Ŵakristu ŵakurongora uli kuti ŵali na njuŵi ziweme? (2)

Kasi mbuheni kukoma nyama? (3)

Kasi ndi maluso ghanyake nga agho kuti ghakurongora ncindi cifukwa ca umoyo cara? (4)

Dango la Ciuta pa ndopa ndakuti uli? (5)

Kasi ici cikunjizgamo kupokera ndopa? (6)

1. Yehova Ncisimi ca umoyo. Vyamoyo vyose maumoyo ghawo ghakufumira kwa Ciuta. (Salmo 36:9) Umoyo ncintu cakupatulika comene kwa Ciuta. Nanga mbumoyo wa mwana wambura kubabika mu ntumbo ya ŵanyina ngwakuzirwa comene kwa Yehova. Kukoma mwana wakuyamba waka uyu mwadala nkwananga pamaso gha Ciuta.—Exodus 21:22, 23; Salmo 127:3.

2. Ŵakristu ŵaunenesko ŵana njuŵi ziweme. Ŵakuwoneseska kuti galimoto zawo na vikaya vyawo vilije urwani. (Duteronome 22:8) Ŵateŵeti ŵa Ciuta kuti ŵakuŵika umoyo ŵawo mwadala pa ngozi cara cifukwa ca vyakukondweska panji vyakusekereska. Mwanteura kuti ŵakutorako cigaŵa cara mu masoŵero ghakuwuska viwawa agho mwadala ghakucitiska ŵantu ŵanji kupwetekeka. Iwo ŵakutceŵa vyakusekereska ivyo vikukhuŵirizga ciwawa.—Salmo 11:5; Yohane 13:35.

 3. Umoyo wa vinyama nawoso ngwakupatulika kwa Mlengi. Mkristu wangakoma nyama cifukwa ca kuti wasangeko cakurya na vyakuvwara panji kujivikilira kufuma ku urwari na ngozi. (Genesis 3:21; 9:3; Exodus 21:28) Kweni nkwananga kuvisuzga vinyama panji kuvikoma waka cifukwa ca masoŵero panji kujikondweska.—Zintharika 12:10.

4. Kukhweŵa hona, kusumba skaŵa za betel, na kumwa vimankwara kukhumba kujikondweska kuti nkwa Ŵakristu cara. Maluso agha ngaheni cifukwa (1) ghakutizgora ŵazga ŵawo, (2) ghakwananga mathupi ghithu, ndipo (3) ngaukazuzi. (Ŵaroma 6:19; 12:1; 2 Ŵakorinte 7:1) Cingaŵa cinonono comene kuleka nkaro izi. Kweni tikwenera kucita nteura kuti timukondweske Yehova.

5. Ndopa nazoso nzakupatulika pamaso gha Ciuta. Ciuta wakuti moyo, panji umoyo, uli mu ndopa. Mwanteura nkwananga kurya ndopa. Nkwanangaso kurya nyama iyo yindathiskike makora ndopa. Usange nyama ŵacita yakunyonga panji yawira mu cipingo na kufwa, mungaryanga cara. Usange yagwazika panji kulasika, yithiskike ndopa mwaluŵiro usange njakuti muryenge.—Genesis 9:3, 4; Leviticus 17:13, 14; Milimo 15:28, 29.

6. Kasi nkwananga kuzomera kupokera ndopa? Kumbukirani, Yehova wakukhumba kuti tiziŵizge ndopa. Ici cikung’anamura kuti mwantowa yiliyose tingazomerezganga kupokera ndopa zaŵantu ŵanyake panji nanga ndi ndopa zithu izo zasungika cara. (Milimo 21:25) Mwanteura Ŵakristu ŵaunenesko kuti ŵangazomerezga cara kupokera ndopa. Iwo ŵazomerezgenge mtundu unyake wa mankwara wakacizgiro, nga ndi kupokera mapilisi ghambura kusazgako ndopa. Iwo ŵakukhumba kukhala na umoyo, kwene kuti ŵayezgenge kutaska umoyo wawo mwa kuswa malango gha Ciuta cara.—Mateyu 16:25.

[Vithuzithuzi pa peji 25]

Kuti tikondweske Ciuta, tikwenera kutceŵa kupokera ndopa, mikhaliro ya ukazuzi, na ngozi zambura kwenerera