Kasi Ciuta Wati Waparanyeso Ŵantu Ŵaheni?

22 Nteura nalero ŵantu mbaheniso comene. Kasi ni vintu viheni vyakuŵa uli vikucitika pano?

23 Ŵanji ŵakukoma ŵantu ŵanyaŵo. Ciuta wakuti mungacitanga nteura cara.—Exodus 20:13; 1 Yohane 3:11, 12

 24 Ŵanji ŵakwiba. Ciuta wakuti ungibanga.—Exodus 20:15; Ŵaefeso 4:28

25 Ŵantu ŵanyakhe ŵakutora ŵawoli ŵanandi. Ŵanyake ŵali na ŵanakazi ŵawiri panyake ŵanandi mu nyumba zakulekana-lekana. Kweniso ŵanyake ŵakukhala pamoza kwambura kutorana mwadango. Ivi vyose vikupambana na ico Baibolo likuyowoya.—Mateyu 19:4-6; 1 Ŵakorinte 7:1-4; 1 Timote 3:1, 2

26 Kasi mukukumbuka kuti Ciuta wakapa Adamu mwanakazi yumoza pera?—Genesis 2:22, 24

 27 Ŵanji ŵakusopa vikozgo. Ciuta wakuti mungagwiriskiranga vikozgo cara panji cintu cilicose mukusopa.—Exodus 20:4, 5; Yesaya 44:9-17; 1 Yohane 5:21

28 Yehova wizamuparanya ŵaheni wose awo ŵakulutirira kwambura kuleka.—Salmo 37:9, 10; Luka 13:5; 1 Ŵakorinte 6:9, 10