Ncici Ico Imwe Mukwenera Kucita?

50 Kasi mukukhumba kukhala na umoyo wamuyirayira mu paradiso wakutowa?

Yezgani kusambira vinandi ivyo Ciuta wakuyowoya. Yezgani kusambira kuliŵazga Baibolo.—Yohane 17:3; Civumbuzi 1:3

51 Sambirani vinandi pa kuyowoya za Yesu.—Duteronome 18:18, 19; Yohane 3:16; Milimo 3:19-23

52 Yezgani kucita vintu viweme pera na kupurikira Yehova.—Ŵaroma 6:17, 18, 22

 53 Kumbukani, Yehova wakuti tingakomanga ŵantu cara.—Exodus 20:13; 1 Yohane 3:11, 12

54 Tingatoranga vintu vya ŵantu ŵanji cara.—Exodus 20:15; Ŵaefeso 4:28

55 Mwanarumi wakwenera kukhala panji kugona na mwanakazi munyake cara kwekha uyo ni muwoli wakhe.—Exodus 20:14, 17; 1 Ŵatesalonika 4:3

56 Kasi mukukumbuka mbanakazi ŵalinga Ciuta wakuzomerezga mwanarumi kuŵa naŵo? Mbutali wakuŵa uli mwanarumi wakwenera kukhala na muwoli wakhe?—Genesis 2:22, 24; Mateyu 19:5, 6; 1 Ŵakorinte 7:2, 10, 11

 57 Kumbukiraniso, kuti, tikwenera kusopa Yehova pera.—Mateyu 4:10; 1 Ŵakorinte 8:6

58 Vikozgo vingatovwira cara. Cifukwa ncici?—1 Ŵakorinte 8:4

Kasi nciweme kuŵa na vikozgo?—Duteronome 27:15; 1 Yohane 5:21

59 Kasi cifukwa ncici nciheni kuŵa na vintumwa na kugwiriskira ncito mayere?—Duteronome 18:10-13; Civumbuzi 21:8

60 Ŵangelo ŵaheni panji viŵanda ŵakagarukira Ciuta. Ŵakugwiriskira ncito ŵakuwukwa na kupusika ŵantu.—Milimo 16:16

 61 Tikwenera kusopa Ciuta. Lurombo likung’anamula kuyowoya na Ciuta, kumuphalira kuti tikukhumba kumuteŵetera na kuromba covwiro cake.—Ŵafilipi 4:6, 7

62 Tikwenera kupulikira Yesu na kuŵika cigomezgo mwa iye.—Ŵahebere 5:9; Yohane 3:16

63 Kumbukani kuti iye wakatifwira kuti tiponoskeke.—Ŵaroma 5:8

 64 Kumbukirani kuti Yesu ndi Fumu yithu yambura kuwoneka. Tikwenera kumupulikira.—Ŵafilipi 2:9-11; Civumbuzi 19:16

 65 Yesu wakati mukwenera kuyowoya kwa ŵanji za vintu viweme ivyo mwasambira na kuti wose awo ŵakukhumba kuteŵetera Ciuta ŵakwenera kubapatizika.—Mateyu 28:19, 20; Yohane 4:7-15

66 Nteura mungayowoya ku ŵabwezi ŵinu za vintu ivi viweme.—Mateyu 10:32

67 Usange mwasambira kuŵazga makora, muti musambire vintu vinyakhe vinandi na kuŵa na nkongono za kovwira makora ŵanyakhe.—2 Timote 2:15

 68 Yesu wakasambizga ŵana kupulikira Ciuta. Kuti wakaŵa wakutangwanika na kutondeka kuyowoya naŵo cara.—Mateyu 19:13-15

69 Ŵapapi ŵakwenera kusambizga ŵana ŵawo kupulikira Ciuta nyengo zose na kumutemwa.—Duteronome 6:6, 7; Zintharika 6:20-22; Ŵaefeso 6:4

70 Kuli matcharitchi ghanandi ghakupambana-pambana. Visambizgo vyaŵo vinandi kuti vikufuma mu Baibolo cara. Yehova wakutiphalira kulekana nayo mipingo iyo yikureka kusambizga unenesko.—Civumbuzi 18:4; Yohane 4:23, 24

 71 Yehova wali na ŵantu pa caru capasi awo ŵangamanya kumusambizgani vinandi vya iye. Kasi mukuŵamanya?—Milimo 15:14; Ŵaroma 10:14, 15

72 Iwo ni Ŵakaboni ŵa Yehova. Iwo ŵali na mutende pakati pa iŵo ŵekha. Kasi mukumanya cifukwa? Cifukwa ŵali nako kutemwana kwa yumo na munyakhe.—Yesaya 43: 10-12; Yohane 13:34, 35

73 Pakuti iwo ŵakumutemwa Yehova, iwo ŵali kubapatizika. Umu ndimo iwo ŵakurongolera mwapakweru kuti ŵaleka ntowa yaŵo yiheni yaumoyo na kuti ŵakukhumba kugwiriskira ncito umoyo wawo kuteŵetera Ciuta.—Milimo 2:41

 74 Ŵakaboni ŵa Yehova ŵakulindizganga kukhala mu paradiso mupya wakutowa.—Salmo 37:9-11, 29

Ncici ico imwe mukwenera kucita kuti mukaŵe na umoyo mula pamoza na iŵo?—Yakobe 1:22, 25; 2:20-26

75 Koleranani naŵo kusambira kuteŵetera Yehova. Iwo ŵakutemwa na kupulikira Yehova na Yesu Kristu. Kasi namwe mukuŵatemwa? Kasi mungaŵa wakukondwa kovwira ŵanji kusambira pakuyowoya za Ciuta?—Yohane 6:45-47

 76 Yehova na Yesu Kristu ŵakumutemwani ndipo iwo ŵakupenja muŵe na umoyo wamuyirayira mu paradiso.—Yohane 3:16

Ivyo mwasambira pa kughanaghana vithuzithuzi na mazgu gha mu kabuku aka nadi vyamupani khumbiro lakusangwa na umoyo wamuyirayira pa caru ca pasi. Usange mukupenja kusambira vinandi vya ivi, yezgani kudumbirana na yumoza wa Ŵakaboni ŵa Yehova kwenekuko kukwinu.