Yehova Wakutipa Mponoski

29 Muntu wakwamba wauzimu uyo Ciuta wakapanga wakaŵa nga ni mwana wake wakwamba kubabika.

Ciuta wakumutemwa comene ndipo wati wamugwiriskire ncito kuparanya ŵantu ŵaheni na kuponoska ŵantu ŵacipulikano.—Yohane 3:16, 36

30 Yehova wakatuma Mwana wake kwizakababika pa caru capasi. Iye wakacemeka Yesu. Zina la nyina likaŵa Mariya.—Luka 1:30-35

31 Yesu wakati wakula wakasambizga vintu vinandi viweme. Iye wakasambizga kuti Yehova yekha ndiye Ciuta waunenesko.—Marko 12:29, 30

Yesu wakati tikwenera kusopa Yehova pera.—Mateyu 4:10; Yohane 4:23, 24

Wakasambizgaso ŵantu za ufumu wa Yehova.—Luka 17:20, 21

 32 Yesu wakacizga ŵarwali na kucita vintu vinandi viweme. Iye wakacita viheni cara.—Milimo 10:38; 1 Petros 2:21, 22

Kweni wangatiponoska uli ku kwananga na nyifwa?

33 Iye wakapereka sembe kwa Ciuta yakuponoska ŵantu ŵaweme. Panyengo yakale, Ciuta wakaŵaphalira ŵantu kupereka sembe ya nyama cifukwa ca vyakwananga vyawo.—Ŵahebere 7:25, 27

34 Yesu wakapereka sembe ya nyama cara. Iye wakajipereka yekha sembe ya ise tose.—Mateyu 20:28; Ŵahebere 10:12

Kasi mukucimanya cifukwa cakhe?