Ŵaisrayeli na Mitundu Iyo Yikaŵazingirizga

YEHOVA wakaphalira Abrahamu kuti: ‘Fuma mu msumba wa Ur uwo wuli mu Mesopotamiya urute ku caru ico ndikurongorenge.’ Mu Caru cira mukakhalanga ndiposo cikazingirizgika na ŵantu ŵa mitundu yinyake.—Gen. 12:1-3; 15:17-21.

Peneapo ŵantu ŵa Ciuta ŵakafumanga mu Egupto, ŵakamanya kuti ŵakumanenge na ŵarwani, nga ni ‘ŵanarumi ŵankongono ŵa ku Moabu.’ (Ex. 15:14, 15) Ŵaamaleki, Ŵamoabu, Ŵaamoni, na Ŵaamori ŵakakhalanga mu vyaru ivyo vikaŵa mu ntowa iyo Ŵaisrayeli ŵakajumpanga pakuruta ku Caru ca Layizgano. (Maŵa. 21:11-13; Dute. 2:17-33; 23:3, 4) Mwakusazgirapo, Ŵaisrayeli ŵakakumanaso na ŵarwani ŵanyake ŵakati ŵafika mu caru ico Yehova wakaŵalayizga.

Ciuta wakati Ŵaisrayeli ŵakeneranga “kucimbizga” ‘mitundu yinandi’—Ŵahiti, Ŵagirgash, Ŵaamori, Ŵakenani, Ŵaperezi, Ŵahivi, na Ŵajebusi, mitundu iyo yikaŵa yakwenelera nadi kuparanyika. Mitundu iyi yikaŵa na mikhaliro yakuvunda ndiposo kasopero kawo kakaŵa kambura kwenelera. Ŵaciuta ŵawo ŵakasazgapo Baala (uyo wakamanyikwanga na vipilala vyakurongora nkuli ya ŵanarumi), Moleki (uyo ŵakamotceranga sembe za ŵana), na Ashtarot, ciuta wa vundira (Astarte)—Dute. 7:1-4; 12:31; Ex. 23:23; Lev. 18:21-25; 20:2-5; Ŵeru. 2:11-14; Sal. 106:37, 38.

Nyengo zinyake caru cose ico Ciuta wakapereka ku Ŵaisrayeli cikacemekanga ‘Kenani,’ kwambira kumpoto kwa Sidoni mupaka ku ‘mronga wa Egypt.’ (Maŵa. 13:2, 21; 34:2-12; Gen. 10:19) Kweni nyengo zinyake Baibolo likuzunura vyaru vyakupambana-pambana, misumba, panji ŵantu ŵa mu caru ici. Mitundu yinyake yikaŵa na caru cawo na cawo, nga ni Ŵafilisti awo ŵakakhalanga mumpepete mwa Nyanja ya Meditereniyani na Ŵajebusi awo ŵakakhalanga mu mapiri kufupi na Yerusalemu. (Maŵa. 13:29; Josh. 13:3) Mukuruta kwa nyengo, ŵanji ŵakasamukiranga ku malo ghanyake.—Gen. 34: 1, 2; 49:30; Josh. 1:4; 11:3; Ŵeru. 1:16, 23-26.

Pa nyengo iyo Ŵaisrayeli ŵakafumanga mu Egupto, Ŵaamori ndiwo ŵakaŵa mtundu wankongono kuruska mitundu yose. * (Dute. 1:19-21; Josh. 24:15) Ŵakapoka caru ca Moabu mupaka ku dambo la Arnon, nangauli dera la Mronga wa Yordani kwambira ku Yeriko likaŵa licali kucemeka kuti ‘vidikha vya Moabu.’ Mathemba gha Ŵaamori ghakawusangaso cigaŵa ca Bashan na Gileyadi.—Maŵa. 21:21-23, 33-35; 22:1; 33:46-51.

Nangauli Ciuta wakaŵawovwiranga, kweni Ŵaisrayeli kuti ŵakayimbininiska yose yayi mitundu yira, iyo mukuruta kwa nyengo yikamba kuŵapuruska. (Maŵa. 33:55; Josh. 23:13; Ŵeru. 2:3; 3:5, 6; 2 Mathe. 21:11) Ŵaisrayeli ŵakapuruskika nangauli ŵakacenjezgeka kuti: “Mungarondezganga ŵaciuta ŵanyake, ŵaciuta ŵa ŵantu aŵo ŵakumuzingirizgani.”—Dute. 6:14; 13:7.

[Mazgu ghamusi]

 [Mapu pa peji 11]

(Mu Brosha lakusindikizga ndimo vikuwoneka makora)

Mitundu Iyo Yikeneranga Kucimbizgika mu Caru ca Layizgano

FILISITIYA (D8)

C8 Askelon

C9 Gaza

D8 Ashidodi

D8 Gath

D9 Gerara

KENANI (D8)

B10 ŴAAMALEKI

C12 Hazar-adar (Adar?)

C12 Kadeshi (Kadesh-barnea)

D8 Lakish

D9 Beer-sheba

D10 ŴAAMORI

D11 NEGEB

E4 Dor

E5 Megido

E5 Tanak

E6 Afeki

E6 ŴAHIVI

E7 ŴAJEBUSI

E8 Beth-shemesh

E8 HHebroni (Kiriatarba)

E9 ŴAHIVI

E9 Debir

E10 Arad (Wa ku Kenani)

E10 ŴAKENI

E11 Akrabim

F4 ŴAGIRGASH

F6 Shekemu

F7 ŴAPEREZI

F7 Gilgal

F7 Yeriko

F8 Yerusalemu

G2 ŴAHITI

G2 Dan (Laish)

G3 Hazor

FOYINIKE (F2)

E2 Ture (Tyre)

F1 Sidoni

EDOMU (F12)

F11 SEIR

G11 Bozra

ŴAAMORI (SIHON) (G8)

G6 GILEYADI

G7 Shitim

G7 Heshbon

G9 Aroer

SURIYA (SYRIA) (H1)

G1 Baal-gadi

G2 ŴAHITI

I1 Damaseko

MOABU (H10)

AMORITES (OG) (I5)

G6 GILEYADI

H3 BASHAN

H4 Ashtarot

H4 Edrei

AMMON (I7)

H7 Raba

[Vipalamba]

H12 CIPARAMBA CA ARABIYA

[Mapiri]

E4 Phiri la Karmel

E11 Phiri la Hor

G1 Phiri la Hermon

G8 Phiri la Nebo

[Nyanja]

C6 Nyanja ya Meditereniyani (Nyanja Yikuru)

F9 Nyanja ya Mucere

G4 Nyanja ya Galileya

[Milonga na tumilonga]

B11 D. la Egupto

F6 Mronga wa Yordani

G6 D. la Jabok

G9 D. la Arnon

G11 D. la Zered

[Vithuzithuzi pa peji 10]

Kumaryero: Og, Themba la Ŵaamori ilo likawusa cigaŵa ca Bashan, malo agho ghakumanyikwa cifukwa ca ng’ombe na mberere

Pasi: Moabu, wakuwoneka kusirya kwa Nyanja ya Mucere, kulaŵiska kufuma ku Mapopa gha Yuda

[Cithuzithuzi pa peji 11]

Yehova wakarangura Israyeli kuwuskamo mitundu iyo yikasopanga ŵaciuta ŵautesi, nga ni Baala, Moleki, na Ashtarot, ciuta mwanakazi wa vundira (uyo warongoreka cithuzithuzi apa)