CIGAŴA 1
Kufuma pa Nyengo ya Kulenga Mupaka Pa Nyengo ya Cigumula
Kasi kucanya na caru vikafuma nkhu? Kasi dazi, mwezi, nyenyezi, na vinthu vinandi vya pa caru vikaŵako wuli? Baibolo likupeleka zgoro launenesko apo likuyowoya kuti vikalengeka na Ciuta. Mwantheura buku lithu likwamba na nkhani za mu Baibolo zakukhwaskana na cilengiwa.
Tisambilenge kuti Ciuta wakayamba kulenga ŵanthu ŵauzimu ŵakuyanako na iyo. Ŵakaŵa ŵangelo. Kweni caru cikalengekera ŵanthu nga ndise. Mwantheura Ciuta wakalenga mwanalume na mwanakazi, Adamu na Heva na kuŵaŵika mu munda wakutowa. Kweni ŵakakana kupulikira Ciuta ndipo ŵakataya wenelero wa kukhala na umoyo.
Kufuma apo Adamu wakalengekera kuzakafika pa nyengo ya Cigumula, pakajumpha vilimika 1,656. Mukati mu nyengo iyi kukaŵa ŵanthu ŵaheni ŵanandi. Kucanya, kukaŵa ŵanthu ŵauzimu ŵambura kuwoneka, Satana na ŵangelo ŵake ŵaheni. Pa caru capasi, pakaŵa Kayini na ŵanthu ŵanyake ŵanandi ŵaheni, kusazgapo ŵanalume ŵanji ŵankhongono. Kweniso pakaŵa ŵanthu ŵawemi nga ni Abelu, Enoki na Nowa. Mu Cigaŵa CAKWAMBA tiŵazgenge za ŵanthu wose aŵa na ivyo vikacitika.
MU CHIGAŴA ICHI
NKHANI NAMBARA 1
Ciuta Wakamba Kulenga Vinthu
Nkhani yakulongosora za kulenga iyo yili mu buku la Genizesi njakupulikikwa makora kweniso njakukondweska, na ku ŵana wuwo.
NKHANI NAMBARA 2
Munda Wakutowa
Mwakuyana na buku la Genizesi, Chiuta wakalenga munda wa Edeni kuŵa malo ghapadera chomene. Chiuta wakukhumba kuti charu chose chizakaŵe chakutowa nga umo ukaŵira munda wa Edeni.
NKHANI NAMBARA 3
Mwanalume na Mwanakazi Wakwamba
Chiuta wakalenga Adamu na Eva na kuŵaŵika mu munda wa Edeni. Ndiyo yikaŵa nthengwa yakwamba.
NKHANI NAMBARA 4
Cifukwa Ico Ŵakatayira Cikaya Cawo
Buku la Genizesi likulongosora umo paradiso wakamalira.
NKHANI NAMBARA 5
Umoyo wa Masuzgo Ukamba
Ŵana ŵa Adamu na Eva ŵakababikira kuwaro kwa Edeni. Pakuti ŵapapi ŵawo ŵakagalukira Chiuta ŵakamba kusangana na masuzgo na vyakuŵinya umoyo wawo wose.
NKHANI NAMBARA 6
Mwana Muwemi na Muheni
Nkhani ya Kayini na Abelu iyo yili mu buku la Genizesi yikulongosora ivyo tingachita kuti tikondweske Chiuta kweniso uwemi wakusintha luŵiro pambere vinthu vindanangikirethu.
NKHANI NAMBARA 7
Mwanalume Wacikanga
Chikanga icho Enoki wakalongora mbukaboni wakuti tingachita vinthu viwemi nanga ŵanthu awo ŵatizingilira ŵakuchita vinthu viheni.
NKHANI NAMBARA 8
Vinkhara pa Caru
Genizesi chaputara 6 chikulongosora za vinkhara ivyo vikasuzganga ŵanthu. Vinkhara ivi vikaŵa ŵana ŵa ŵangelo awo wakagalukira Chiuta kuchanya ndipo vikachemekanga kuti Ŵanefili.
NKHANI NAMBARA 9
Nowa Wakazenga Cingalaŵa
Nowa na mbumba yake ŵakapona ku chigumula chifukwa ŵakapulikira Chiuta nangauli ŵanthu ŵanyake ŵakapulikira yayi apo wakaŵachenjezganga.
NKHANI NAMBARA 10
Cigumula Cikuru
Ŵanthu wakuseka apo Nowa wakuŵachenjezga za chigumura. Kweni ŵakamba kulira pa nyengo ya chigumura. Wonani umo chingalaŵa chikaponoskera Nowa, mbumba yake na vinyama.
