CIGAŴA 8
Ivyo Baibolo Likuyowoya Vikucitika Nadi
Baibolo kuti likutiphalira nkhani zaunenesko izo zikacitika kale pera yayi, kweniso likutiphalira ivyo vicitikenge kunthazi. Ŵanthu ŵangayowoya yayi vinthu ivyo vizamucitika kunthazi. Ndico cifukwa tikugomezga kuti Baibolo ndakufuma kwa Ciuta. Kasi Baibolo likuyowoyaci za munthazi?
Likutiphalira za nkhondo yikuru ya Ciuta. Pa nkhondo iyi, Ciuta wazamutozga caru capasi mwa kufumiskapo uheni wose na ŵanthu ŵaheni, kweni wazamuvikilira awo ŵakumuteŵetera. Fumu yakuŵikika na Ciuta, Yesu Khristu, yizamuwoneseska kuti ŵateŵeti ŵa Ciuta ŵazakakondwe na mtende, ndiposo ŵazamulwaraso yayi nesi kufwa.
Nchakukondweska kuti Ciuta wazamuzgora caru capasi kuŵa paradiso, asi nthena? Kweni pali vinthu vinandi ivyo tikwenera kucita kuti tizakakhale na umoyo mu paradiso uyu. Mu nkhani yaumaliro ya buku lino tisambirenge ivyo tikwenera kucita kuti tizakakondwe na vinthu ivyo Ciuta wazamucitira awo ŵakumuteŵetera. Sono tiŵazge CIGAŴA 8 kuti timanye ivyo Baibolo likuyowoya kuti vicitikenge munthazi..
MU CHIGAŴA ICHI
NKHANI NAMBARA 114
Umaliro wa Uheni Wose
Chifukwa wuli Chiuta wazamutuma Yesu na ŵasilikari ŵake pa nkhondo ya Haramagedoni?
NKHANI NAMBARA 115
Paradiso Muphya Pano pa Caru Capasi
Ŵanthu ŵazamukhalaso mu Paradiso pa charu chapasi nga umo vikaŵira pakwamba.
NKHANI NAMBARA 116
Umo Tingasangira Umoyo Wamuyirayira
Kasi ntchakukwana kumanya waka Yehova na Yesu Khristu panji paliso chinyake?
