GEORGIA
Ŵanthu ŵa Mtundu wa Kurd Ŵakapokera Unenesko
MWANAKAZI munyake zina lake Gulizar wakuti: “Para nkhulomba, kanandi nkhumuphalira Yehova kuti nkhuwonga chomene chifukwa chakuti nkhapulika vya iyo mu chiyowoyero chane.”
Gulizar wakawungana na Ŵakaboni ŵa Yehova kwa vyaka 8, kweni wakazakabatizika wakati wamba kuwungana na mpingo uwo ukachitanga maungano mu chiyowoyero chake, Chikurdish. Mudumbu uyu njumoza wa ŵanthu ŵanandi ŵa mtundu wa Kurd awo ŵali kusambira unenesko mu charu cha Georgia mu vyaka vyasonosono. Kweni kasi ŵanthu aŵa mbanjani chomene?
2 Mathe. 18:11; Mil. 2:9) Chiyowoyero chawo chili mu gulu la viyowoyero ivyo vikuyowoyeka mu charu cha Iran.
Ŵanthu ŵa mtundu wa Kurd ŵakamba kukhala mu vyaru vya ku Middle East kale chomene. Ŵanthu ŵanyake ŵakusanda tunthu ŵakuti ŵanthu aŵa ŵali kufuma ku Ŵamedi awo ŵakuzunulika mu Baibolo. (Mazuŵa ghano, ŵanthu aŵa ŵakukhala mu vyaru vinandi, nga nkhu Armenia, Iran, Iraq, Syria, na Turkey. Mu Georgia muli ŵanthu ŵa mtundu uwu pafupifupi 20,000. Ŵanthu aŵa ŵanandi mbakopa Chiuta kweniso ŵakuchindika chomene vinthu vyauzimu.
Pasono mu Georgia muli ŵapharazgi 500 ŵa Chikurdish, kweniso muli mipingo yitatu ya chiyowoyero ichi. Mu 2014, ŵanthu wose ŵakakondwa na ungano wa chigaŵa wakwamba mu Chikurdish uwo ukachitikira ku Tbilisi, ndipo pakaŵaso ŵanthu ŵakufuma ku Armenia, Germany, Turkey, na Ukraine.