SAMBIRO 1
Mazgu Ghakwamba Agho Ghangakopa Ŵategherezgi
Milimo 17:22
FUNDO YIKURU: Yowoyani mazgu ghakwamba agho ghangawovwira ŵategherezgi kuti ŵanweke na nkhani yinu, zunurani mutu wa nkhani, na kulongora chifukwa icho ŵategherezgi ŵinu ŵakwenera kunweka nayo.
UMO MUNGACHITIRA:
-
Ŵawovwirani kuti ŵanweke. Sankhani fumbo, mazgu, chakuchitika, panyake nkhani ya mu nyuzipepara iyo ŵategherezgi ŵangakopeka nayo.
-
Longorani iyo ni fundo yikuru. Woneseskani kuti mazgu ghinu ghakwamba ghakulongora iyo ni fundo yikuru ya nkhani yinu kweniso chilato chake.
-
Longorani kuzirwa kwa nkhani yinu. Ivyo mukuyowoya vikwenera kukolerana na ivyo ŵategherezgi ŵinu ŵakukhumbikwira. Ŵakwenera kupulikiska makora umo nkhani yinu yingaŵawovwilira, waliyose payekha.
