SAMBIRO 15
Kuyowoya Mwakusimikizga
1 Ŵatesalonika 1:5
FUNDO YIKURU: Longorani kuti mukugomezga kuti ivyo mukuyowoya ni vyaunenesko kweniso kuti ni vyakuzirwa chomene.
UMO MUNGACHITIRA:
-
Nozgekerani mwakukwana. Nozgekerani mwakukwana kuti mupulikiske izo ni fundo zikuru kweniso umo zikulongolera kuti Baibolo likuneneska. Zunurani fundo zinu zikuru mu mazgu ghafupi kweniso ghapusu. Manyani makora umo zamovwilira ŵategherezgi ŵinu. Lombani mzimu utuŵa kuti umovwirani.
-
Gwiliskirani ntchito mazgu agho ghakulongora kuti mukuyowoya mwakusimikizga. M’malo mwa kuwerezga waka ivyo vyalembeka mu buku panji pa autilayini, yowoyani mu mazgu ghinu na ghinu. Sankhani mazgu agho ghakulongora kuti mukumanya ivyo mukuyowoya.
-
Yowoyani mwakufwatuka kweniso mwalusungu. Mazgu ghinu ghakwenelera kupulikikwa makora. Laŵiskani ŵategherezgi para ntchakuzomerezgeka ku chigaŵa chinu.
