Ŵawonani mwakwenelera ŵategherezgi ŵinu. Gomezgani kuti Ŵakhristu ŵanyinu nawo ŵakukhumba kukondweska Yehova. Nangauli mungaŵapa ulongozgi, kweni chakwamba mukwenera kuŵalumba apo mphakwenelera.

Chepeskaniko fundo zambura kukhozga. Tcheŵani kuyowoya fundo izo zingaleka kukhozga ŵategherezgi. Mu nkhani yinu yose mukwenera kuyowoya mwakukhozga.

Gwiliskirani ntchito makora Mazgu gha Chiuta. Didimizganipo chomene ivyo Yehova wachita, ivyo wakuchita, na ivyo wachitenge sonosono apa. Ŵakhozgani na kuŵapa chigomezgo ŵategherezgi ŵinu.