Ghanaghanirani chifukwa icho mukuŵazgira lemba. Yowoyani mazgu agho ghangawovwira ŵategherezgi kumanya fundo yikuru iyo mukukhumba kulongosora mu vesi ilo.

Yowoyani vya mu Baibolo. Para mukuyowoya na ŵanthu awo ŵakugomezga Chiuta, ŵawovwirani kuwona kuti Baibolo ni “Mazgu gha Chiuta,” ndipo ŵalongorani kuti ndimo muli vinjeru vyenecho.

Wovwirani ŵategherezgi kuti ŵamanye chifukwa icho muŵazgirenge lemba. Fumbani fumbo ilo lemba lizgorenge, zunurani suzgo ilo lemba lingawovwira kulimazga, panji yowoyani fundo iyo ŵayipulikiskenge para mwaŵazga lemba.