CHIGAŴA 1
“Kuchanya Kukajulika”
FUNDO YIKURU: Kumanya ivyo vikuchitika kuchanya uko kukukhala Yehova
Palije munthu uyo wangawona Yehova, Chiuta wankhongonozose, na kuŵa wamoyo. (Eks. 33:20) Kweni Yehova wakamulongora mboniwoni Ezekiyeli izo zikuvumbura chigaŵa chakuchanya cha gulu la Chiuta. Mboniwoni izi zikutichitiska wofi kweniso zikutovwira kuti tiwongenge kuti tili na mwaŵi wa kusopa Chiuta yumoza pera waunenesko.
MU CHIGAŴA ICHI
MUTU 3
“Nkhamba Kuwona Mboniwoni za Chiuta”
Ezekiyeli wakazizikika chomene na mboniwoni yakwamba iyo wakawona. Ivyo wakawona vili na ng’anamuro likuru chomene ku ŵanthu ŵakugomezgeka mazuŵa ghano.
MUTU 4
Kasi ‘Vyamoyo vya Visko Vinayi’ Mbanjani?
Yehova wakamulongora vithuzi Ezekiyeli kuti watovwire kupulikiska vinthu vinyake ivyo mphanyi ntchakusuzga kuvipulikiska.
