BOKOSI 19B
Mbwiwi Yikazgoka Mlonga Ukuru!
Ezekiyeli wakawonanga kamugelo ka maji kakufuma mu malo ghakupatulika gha Yehova ndipo kakazgoka mlonga ukuru. Mumphepete mwa mlonga uwu, mukaŵa makuni agho ghakapelekanga tumphepo tuwemi na kuchizga vinthu. Kasi vyose ivi vikung’anamurachi?
Mlonga Ukupeleka Vitumbiko
KALE: Ŵazga ŵakati ŵawelera ku charu chawo, Yehova wakaŵatumbika ndipo ŵakambiraso kusopa kutuŵa mu tempile
MAZUŴA GHANO: Mu 1919, kusopa kutuŵa kukawezgekerapo, ndipo ŵateŵeti ŵakugomezgeka ŵa Yehova ŵakatumbikika chomene mwauzimu
KUNTHAZI: Para Aramagedoni yajumpha, Yehova wazamutumbika ŵanthu ŵake mwakuthupi kweniso mwauzimu
Maji Ghakupa Umoyo
KALE: Yehova wakatumbika ŵanthu ŵake awo ŵakamupulikiranga. Nanga mpha nyengo iyo ŵanthu ŵake ŵakandana chomene, Yehova wakalutilira kuŵatumbika mwauzimu
MAZUŴA GHANO: Mu paradiso wauzimu namo, ŵanthu ŵanandi ŵakutumbikika na unenesko wa mu Baibolo ndipo ŵamba kusambira vya Yehova kweniso kukolerana na ŵanthu awo ŵakumusopa munthowa iyo wakukondwa nayo
KUNTHAZI: Ŵanthu awo ŵazamupona pa Aramagedoni, ŵazamuŵa pamoza na ŵanthu mamiliyoni ghanandi awo ŵazamuwuskika, ndipo wose Yehova wazamuŵatumbika chomene
Makuni gha Vyakurya na Kuchizgira
KALE: Yehova wakapeleka chakurya chauzimu ku ŵanthu ŵake ndipo ŵati ŵawelera ku charu chawo, wakaŵawovwira kuti ŵamusopenge munthowa iyo wakukhumba. Wakaŵawovwiraso kuleka kusopa vikozgo, ivyo ŵakavisopa nyengo yitali
MAZUŴA GHANO: Chakurya chakukwana chauzimu icho chikupelekeka mazuŵa ghano chikovwira ŵanthu kuchira ku matenda ghauzimu kweniso njara yauzimu, ivyo vili mu charu chiheni ichi
KUNTHAZI: Khristu na ŵanyake 144,000 ŵazamovwira ŵanthu ŵakupulikira kuti ŵaŵe ŵakufikapo na kuŵa na umoyo uwemi kweniso ŵankhongono!
