Zina lakuti Ezekiyeli likung’anamura kuti “Chiuta Wakukhozga.” Nangauli mauchimi agho wali kulemba mu vigaŵa vinandi ngakuchenjezga, kweni uthenga ukuru ukukolerana na ng’anamuro la zina lake, ndipo ukukhozga chipulikano cha awo ŵakukhumba kusopa Chiuta mwaunenesko.

• YEREMIYA,

  wakafuma mu mbumba yausembe, wakateŵetera chomene mu Yerusalemu (647-580 B.C.E.)

• HULIDA

  wakateŵeteranga pa nyengo iyo buku la Dango likasangikira mu tempile cha mu 642 B.C.E.

• DANIYELI,

  wakaŵa wa fuko lachifumu la Yuda, wakatolekera ku Babuloni mu 617 B.C.E.

• HABAKUKU

  wakwenera kuti wakateŵeteranga mu Yuda kukwambilira kwa muwuso wa Yehoyakimu

• OBADIYA

  wakachima vyakususkana na Edomu, panji pa nyengo iyo Yerusalemu wakaparanyikanga

1. c.643: Wakababika

2. 617: Wakatolekera ku wuzga ku Babuloni

3. 613: Wakamba kuchima; wakawona mboniwoni ya Yehova

4. 612: Wakawona mboniwoni ya ŵanthu ŵakugaluka pa tempile

5. 611: Wakamba kutemba Yerusalemu

6. 609: Muwoli wake wakafwa, ndipo Yerusalemu wakamba kuwukirika kaumaliro

7. 607: Wakapulika uthenga wakuti Yerusalemu waparanyika

8. 593: Wakawona mboniwoni ya tempile

9. 591: Wakayowoya vyakuti Nebukadinezara wazamuwukira Eguputo; ndipo wakamalizga kulemba uthenga wake

1. 659-629: Yosiya wakakhukiska kusopa kutuŵa kweni wakafwira ku nkhondo pakutimbana na Farawo Neko

2. 628: Yehowahazi wakawusa uheni chomene mu myezi yitatu ndipo Farawo Neko wakamuthereska

3. 628-618: Yehoyakimu wakaŵa themba liheni ndipo wakamba kuteŵetera Farawo Neko

4. 625: Nebukadinezara wakathereska ŵankhondo ŵa Ŵaeguputo

5. 620: Nebukadinezara wakawukira Yuda kakwamba ndipo wakimika Yehoyakimu kuti wawusenge mu Yerusalemu mwakulongozgeka na iyo

6. 618: Yehoyakimu wakagalukira Nebukadinezara, kweni wakwenera kuti wakafwa pambere Ŵababuloni ŵandawukire Charu cha Layizgano kachiŵiri

7. 617: Yehoyakini, wakuchemekaso Yekoniya, wakaŵa themba liheni ndipo wakawusa myezi yitatu pera, kufuma apo wakajipeleka kwa Nebukadinezara

8. 617-607: Zedekiya, themba liheni kweniso lawofi, wakamba kuteŵetera Nebukadinezara

9. 609: Zedekiya wakagalukira Nebukadinezara, kufuma apo Nebukadinezara wakawukira Yuda kachitatu

10. 607: Nebukadinezara wakabwangandura Yerusalemu, wakakora Zedekiya, wakamudolora maso, na kuluta nayo ku Babuloni