SAMBIRO 02
Baibolo Likutipa Chigomezgo
Ŵanthu pa charu chose chapasi ŵakusangana na masuzgo agho ghakupangiska kuti ŵaŵe na chitima, ŵafipenge mtima, kweniso kupulika vyakuŵinya. Kasi namwe vili kumuchitikiranipo vyanthena ivi? Nyengo zinyake mukusuzgika na ulwari panji muli na chitima chifukwa cha nyifwa ya wakutemweka winu. Ndipo mukujifumba kuti, ‘Kasi vinthu vizamuŵapo makora nthena kwa ine?’ Baibolo likuzgora fumbo ili.
1. Kasi Baibolo likutipa chigomezgo wuli?
Baibolo likulongosora chifukwa icho pa charu paliri masuzgo ghanandi kweniso likutiphalira uthenga uwemi wakuti masuzgo ghamalenge sonosono apa. Ivyo Baibolo likulayizga vingatipa “munthazi muwemi na chigomezgo.” (Ŵazgani Yeremiya 29:11, 12.) Malayizgo agha ghakutovwira kuti tizizipizgenge masuzgo agho tikukumana nagho sono, kuti tiwonenge vinthu mwakwenelera kweniso kuti tiŵe na chimwemwe chambura kumara.
2. Kasi Baibolo likuti vinthu vizamuŵa wuli munthazi?
Baibolo likuti kunthazi “nyifwa yizamuŵakoso yayi. Kuzamuŵavya kutengera panji kulira, kutampha nesi vyakuŵinya.” (Ŵazgani Chivumbuzi 21:4.) Masuzgo agho ŵanthu ŵakukumana nagho sono, nga ukavu, nkhaza, ulwari, na nyifwa, ghazamuŵakoso yayi. Baibolo likulayizga kuti ŵanthu ŵazamukondwa na umoyo kwamuyirayira mu Paradiso pano pa charu chapasi.
3. Kasi mungagomezga wuli kuti ivyo Baibolo likulayizga vizamufiskika nadi?
Ŵanthu ŵanandi ŵakukhazga kuti vinthu viŵenge makora, kweni ŵakumanya yayi usange vingachitika nadi. Baibolo likuti vinthu viŵenge makora. Tingagomezga ivyo Baibolo likulayizga para ‘tikusanda Malemba mwakupwelelera.’ (Milimo 17:11) Apo mukusambira Baibolo, mungasankha mwekha kugomezga kuti ivyo Baibolo likulayizga vizamuchitika nadi panji yayi.
MANYANI VINANDI
Sambirani vinthu vinyake ivyo Baibolo likulayizga kuti vizamuchitika kunthazi. Wonani umo ŵanthu ŵanyake mazuŵa ghano ŵakusangira chandulo na chigomezgo icho Baibolo likupeleka.
4. Baibolo likuti ŵanthu ŵazamukhala na umoyo wambura masuzgo kwamuyirayira
Wonani vinthu vyakulondezgapo ivi, ivyo Baibolo likulayizga. Kasi ni layizgo wuli ilo imwe mwalitemwa chomene? Chifukwa wuli?
Ŵazgani malemba agho ghali kunthazi kwa layizgo lililose, kufuma apo dumbiskanani mafumbo agha:
-
Kasi imwe mukuwona kuti malemba agha ghangamupani chigomezgo? Kasi mukuwona kuti ŵabali panji ŵabwezi ŵinu ŵangasanga chandulo na ivyo malemba agha ghakuyowoya?
Muŵe nga mukukhala mu charu icho
|
PALIJE MUNTHU UYO . . . |
WALIYOSE WAZAMUKONDWA . . . |
|---|---|
|
|
|
|
|
|
|
|
|
|
5. Ivyo Baibolo likulayizga vingamovwirani
Ŵanthu ŵanandi ŵakugongowa kweniso kukwenyelera chifukwa cha masuzgo agho ŵakukumana nagho. Ŵanyake ŵakulimbikira kuti ŵayezge kusintha vinthu kuti panji vingaŵa makora. Wonani umo ŵanthu ŵanyake mazuŵa ghano ŵakusangira chandulo na ivyo Baibolo likulayizga. Wonelerani VIDIYO, kufuma apo dumbiskanani mafumbo agha.
-
Kuyana na ivyo mwawona mu vidiyo, kasi ni vinthu wuli vyambura urunji ivyo Rafika wakakhumbanga kumarana navyo?
-
Nangauli vinthu ivi vikamara yayi, kweni kasi Baibolo likamovwira wuli?
Para tikugomezga ivyo Baibolo likulayizga, vitovwirenge kuti tileke kugongowa kweniso tizizipizgenge para takumana na masuzgo ndipo tiŵenge ŵakukondwa. Ŵazgani Zintharika 17:22 na Ŵaroma 12:12, kufuma apo dumbiskanani mafumbo agha:
-
Kasi mukughanaghana kuti ivyo Baibolo likulayizga vingamovwirani pa umoyo winu sono nthena? Chifukwa wuli?
IVYO ŴANYAKE ŴAKUYOWOYA: “Ivyo Baibolo likulayizga ni viwemi nadi, kweni vingachitika yayi.”
-
Chifukwa wuli ntchakukhumbikwa kuti imwe musange mwekha unenesko?
MWAKUDUMURA
Ivyo Baibolo likulayizga kuti vizamuchitika kunthazi vikutipa chigomezgo kweniso vikutovwira kuti tizizipizgenge para tasangana na masuzgo.
Kuweleramo
-
Chifukwa wuli ŵanthu ŵakwenera kumanya ivyo Baibolo likulayizga?
-
Kasi Baibolo likuti vinthu vizamuŵa wuli kunthazi?
-
Kasi kugomezga ivyo Baibolo likulayizga kungamovwirani wuli sono nthena?
SANGANI FUNDO ZAKUSAZGIKIRA
Wonani umo chigomezgo chingamovwilirani para mwasangana na masuzgo.
“Kasi Chigomezgo Chingatovwira Wuli?” (Wukani!, Epulero 22, 2004)
Wonani umo malayizgo gha mu Baibolo ghangawovwilira ŵanthu awo ŵakulwara nthenda yambura kukonda munkhwala.
“Kasi Baibolo Lingamovwira Uyo Wali na Nthenda Yambura Kukonda Munkhwala?” (Nkhani ya pa Intaneti)
Apo mukuwonelera sumu iyi muŵe nga muli pamoza na mbumba yinu mu Paradiso ndipo mukukondwa na ivyo Baibolo likalayizga.
Wonani umo malayizgo gha mu Baibolo ghakawovwilira munthu munyake uyo wakakhumbanga kusintha vinthu mu charu.
“Sono Nilije Maghanoghano Ghakuti Nisinthe Vinthu mu Caru” (Gongwe la Mulinda, Julayi 1, 2013)
Panji Mungatemwa Kuŵerengaso Nkhani Izi
IVYO ŴANTHU ŴAKUTEMWA KUFUMBA
Kasi Kosi ya Kusambira Baibolo ya Ŵakaboni ŵa Yehova Ni Vichi?
Apo mukusambira Baibolo munthowa yakudumbiskana na Ŵakaboni ŵa Yehova, mungagwiliskira ntchito Baibolo lililose ilo mwakhumba. Fwatukani kuchemerako banja linu panji ŵabwezi ŵinu.
