SAMBIRO 55
Kasi Mungachita Wuli Kuti Movwire Mpingo Winu?
Pa charu chose chapasi pali Ŵakaboni ŵa Yehova mamiliyoni ghanandi chomene. Ndipo ŵakuteŵetera Yehova mwakukondwa mu mipingo masauzandi ghanandi chomene. Iwo ŵakukondwa chomene na ulongozgi uwo ŵakupokera ndipo mbakunozgeka kovwira mpingo wawo mu nthowa zakupambanapambana. Kasi ndimo namwe mukujipulikira nthena?
1. Kasi ni nthowa wuli zinyake izo mungagwiliskira ntchito nkhongono na nyengo yinu kuti movwire mpingo?
Waliyose wali na mwaŵi wakovwirapo mu mpingo. Mwachiyelezgero, kasi mu mpingo winu muli ŵachekuru panji awo ŵakulwaralwara? Kasi mungaŵawovwira kuti ŵakasangikepo pa maungano? Kasi mungakwaniska kukaŵagulira vinthu ku msika, kuŵanozgera mu nyumba panji vinthu vinyake? (Ŵazgani Yakobe 1:27.) Tingajipelekaso pakupwelelera na kunozga Nyumba yithu ya Ufumu. Palije uyo wakutichichizga kuchita vinthu ivi. Kutemwa Chiuta kweniso ŵabali na ŵadumbu ndiko kukutituma kuti ‘tijipelekenge na mtima wose.’—Salimo 110:3.
Ŵakaboni ŵakubatizika ŵangawovwiraso mpingo mu nthowa zinyake. Ŵabali ŵakukhwima mwauzimu ŵangaŵa ŵateŵeti ŵakovwira ndipo para pajumpha nyengo ŵangaŵa ŵalara. Ŵabali na ŵadumbu ŵangawovwira chomene pa mulimo wakupharazga ndipo ŵanyake ŵangachita upayiniya. Ŵanyake ŵakovwirapo pa mulimo wakuzenga malo ghakusoperapo panji kusamukira ku mipingo iyo yikukhumbikwira wovwiri.
2. Kasi tingawovwira wuli mpingo na vinthu ivyo tili navyo?
Tingachindika “Yehova na vinthu [vithu] vyakuzirwa.” (Zintharika 3:9) Tikuwona kuti ni mwaŵi ukuru chomene kupeleka ndalama na vinthu vinyake kuti viwovwire mpingo withu kweniso mulimo wakupharazga pa charu chose. (Ŵazgani 2 Ŵakorinte 9:7.) Vinthu ivyo tikupeleka vikovwiraso para kwachitika masoka ghachilengiwa. Ŵanyake ŵakuŵika “kanthu padera” kuti nyengo zose ŵapelekenge. (Ŵazgani 1 Ŵakorinte 16:2.) Tingapeleka vyawanangwa vithu mu mabokosi ku mipingo panji kwizira pa donate.pr418.com. Yehova wali kutipa mwaŵi wakuti tipelekenge vinthu ivyo tili navyo kulongora kuti tikumutemwa.
MANYANI VINANDI
Wonani nthowa zinyake izo mungawovwilira mpingo winu.
3. Tingapeleka vinthu ivyo tili navyo
Yehova na Yesu ŵakukondwa chomene na ŵanthu awo ŵakupeleka na mtima wose. Mwachiyelezgero, Yesu wakawonga chomene chokoro chikavu icho chikapeleka na mtima wose tundalama tuchoko uto chikaŵa nato. Ŵazgani Luka 21:1-4, kufuma apo dumbiskanani mafumbo agha:
-
Kasi tikwenera kupeleka ndalama zinandi kuti tikondweske Yehova?
-
Kasi Yehova na Yesu ŵakujipulika wuli para tikupeleka na mtima wose?
Kuti mumanye umo vyawanangwa vikugwilira ntchito, wonelerani VIDIYO. Kufuma apo dumbiskanani fumbo ili.
-
Kasi vyawanangwa ivyo tikupeleka vikovwira wuli mipingo pa charu chose chapasi?
4. Tingajipeleka kuti tovwirepo
Mu nyengo yakale, ŵateŵeti ŵa Yehova ŵakajipelekanga na mtima wose pakupwelelera malo ghakusoperapo. Kweni ŵakeneranga kuchita vinandi padera pa kupeleka ndalama. Ŵazgani 2 Midauko 34:9-11, kufuma apo dumbiskanani fumbo ili:
-
Kasi Muisrayeli waliyose wakawovwirapo wuli pakupwelelera nyumba ya Yehova panji kuti malo ghakusoperapo?
Kuti muwone umo Ŵakaboni ŵa Yehova ŵakuyezgera ivyo Ŵaisrayeli ŵakachitanga, wonelerani VIDIYO. Kufuma apo dumbiskanani mafumbo agha.
-
Chifukwa wuli ntchakuzirwa kupwelelera na kunozga Nyumba yithu ya Ufumu?
-
Kasi ni nthowa wuli zinyake izo mungawovwilirapo?
5. Ŵabali ŵangachita vinandi mu mpingo
Malemba ghakuchiska ŵanalume Ŵachikhristu kuti ŵakwenera kunwekera na kuchita chilichose icho ŵangafiska kuti ŵawovwire mpingo. Mwachiyelezgero, wonelerani VIDIYO. Kufuma apo dumbiskanani fumbo ili.
-
Kuyana na ivyo mwawona mu vidiyo, kasi Ryan wanguchita wuli kuti wachite vinandi pakovwira mpingo?
Baibolo likulongosora ivyo ŵabali ŵakwenera kuchita kuti ŵaŵe ŵakwenelera kuŵa ŵateŵeti ŵakovwira panji ŵalara. Ŵazgani 1 Timote 3:1-13, kufuma apo dumbiskanani mafumbo agha:
ŴANYAKE ŴANGAFUMBA KUTI: “Kasi Ŵakaboni ŵa Yehova ŵakufuma nazo nkhu ndalama zakwendeskera mulimo wawo?”
-
Kasi mungazgora wuli?
MWAKUDUMURA
Yehova wakuwonga chomene para tikuyezgayezga kugwiliskira ntchito nkhongono zithu, nyengo na vinthu ivyo tili navyo kuti tiwovwire mpingo.
Kuweleramo
-
Kasi tingagwiliskira wuli ntchito nyengo kweniso nkhongono zithu kuti tiwovwire mpingo?
-
Kasi tingawovwira wuli mpingo na vinthu ivyo tili navyo?
-
Kasi ni nthowa wuli izo imwe mungawovwilira mpingo?
SANGANI FUNDO ZAKUSAZGIKIRA
Wonani chifukwa icho Chiuta wakukhumbiraso yayi kuti ŵateŵeti ŵake ŵapelekenge chakhumi.
“Kasi Baibolo Likuti Wuli pa Nkhani ya Chakhumi?” (Nkhani ya pa Intaneti)
Baibolo likuzunura milimo yinyake iyo ŵakwenera kuchita mbanalume ŵakubatizika pera. Kweni wuli usange mwanakazi wakubatizika ndiyo wachitenge milimo iyi?
Udindo wa Ŵalara mu Mpingo (Gongwe la Mulinda, Febuluwale 2021)
Wonani umo ŵabali ŵanyake ŵakulongolera chikanga kweniso kujipeleka na mtima wose pakupelekera mabuku ku Ŵakhristu ŵanyawo.
Wonani umo Ŵakaboni ŵa Yehova ŵakupambanirana na matchalitchi pa nkhani ya umo ŵakusangira ndalama.
“Kasi Ndalama Zakwendeskera Ntchito ya Ŵakaboni ŵa Yehova Zikufuma Nkhu?” (Nkhani ya pa Intaneti)
Panji Mungatemwa Kuŵerengaso Nkhani Izi
IVYO ŴANTHU ŴAKUTEMWA KUFUMBA
Kasi Kosi ya Kusambira Baibolo ya Ŵakaboni ŵa Yehova Ni Vichi?
Apo mukusambira Baibolo munthowa yakudumbiskana na Ŵakaboni ŵa Yehova, mungagwiliskira ntchito Baibolo lililose ilo mwakhumba. Fwatukani kuchemerako banja linu panji ŵabwezi ŵinu.
