Mazgu Ghakwamba gha Chigaŵa 9
Chigaŵa ichi chikutisambizga vya ŵanyamata, ntchimi, na mafumu awo ŵakaŵa na chipulikano chikuru mwa Yehova. Mu Siriya, mukaŵa kasungwana ka Chiisrayeli ako kakagomezganga kuti Yehova wangachizga Namani. Ntchimi Elisha yikaŵa na chigomezgo chose kuti Yehova wayivikilirenge ku ŵalwani. Wasembe Mukuru Yehoyada wakaŵika umoyo wake pangozi kuti wavikilire Yehowashi kwa buya wake Ataliya, uyo wakakhumbanga kumukoma. Fumu Hezekiya yikagomezganga kuti Yehova wathaskenge Yerusalemu, ndipo yikathera yayi apo Ŵaasiriya ŵakaŵawofyanga. Fumu Yosiya yikawuskamo kusopa vikozgo mu charu, ndipo yikawovwira ŵanthu kwambaso kusopa kwaunenesko.
MU CHIGAŴA ICHI
Wankhondo na Kasungwana
Kasungwana ka Chiisrayeli kakaphalira bwana wake vya nkhongono zikuru za Yehova—pakachitika munthondwe.
Ŵasilikari Ŵamoto ŵa Yehova
Muteŵeti wa Elisha wakawona kuti ‘pakaŵa ŵanandi kwa iwo kuluska ku ŵalwani ŵawo.’
Chikanga cha Yehoyada
Wasembe wakugomezgeka wakagoda fumukazi yiheni.
Yehova Wakazikira Nayo Yona
Kasi vikenda wuli kuti ntchimi ya Chiuta yimilike na chisomba chikuru? Kasi wakafuma wuli? Kasi Yehova wakamusambizga vichi?
Mungelo wa Yehova Wakavikilira Hezekiya
Ŵalwani ŵa Yuda ŵakayowoya kuti Yehova wangavikilira yayi ŵanthu ŵake, kweni ŵakatetanga!
Yosiya Wakatemwanga Dango la Chiuta
Yosiya wakaŵa fumu wali na vyaka 8, ndipo wakawovwira ŵanthu ŵake kusopa Yehova.